Засаг даргын шуурхай зөвлөгөөнөөс дараах үүрэг даалгаврыг өглөө

Даваа гаригийн Засаг даргын шуурхай зөвлөгөөнөөр өнгөрсөн долоо хоногийн үүрэг даалгаврын биелэлтийг хэлэлцэж, цаг үеийн асуудлаар Хотын захирагчийн алба, Жаргалант, Баян-Өндөр сумын Засаг дарга нар мэдээлэл хийлээ. Шуурхай зөвлөгөөнийг Засаг даргын орлогч А.Түвшинжаргал удирдан явуулав. Мөн тэрээр, шуурхай төгсгөлд хэлтэс, агентлагуудын удирдлагуудад хэд хэдэн чиглэлийн үүрэг даалгаврыг өглөө.

Үүнд, Монгол Улсын Ерөнхий сайдын 01 тоот албан даалгаврыг хэрэгжүүлж ажиллахыг үүрэг болгов. Засгийн газрын 2023 оны 49 дүгээр тогтоолоор 2023-2024 оныг авлигатай тэмцэх жил болгон зарласантай холбогдуулан авлигатай тэмцэх таван үйл ажиллагааний “Шил” ажиллагааны хэрэгжилтийг эрчимжүүлэх албан даалгаврыг өгсөн.
Үүнтэй холбоотойгоор Засаг даргын орлогч А.Түвшинжаргал “Өөрсдийн хийдэг ажлаа иргэд, олон нийтэд нээлттэй танилцуулахад байгууллага бүр онцгой анхаарч ажиллах. Бидний хувьд нууцын зэрэглэлд хамаараад нууж, хаах мэдээлэл байхгүй. Ерөнхий сайдын 01 албан тоот даалгаврыг ЗДТГ-ын Хууль эрх зүйн хэлтэс, Хяналт шинжилгээ, үнэлгээний хэлтэс хариуцан ажиллаж байна. Ажлаа сайжруулахад анхаарахыг сануулав.

Засгийн газрын Хэрэг эрхлэх газраас өгсөн үүрэг чиглэлийн дагуу төрийн албан хаагчдад “Алсын хараа-2050” бодлогын баримт бичгийн талаарх сургалт орж буй. Өнөөдрийн байдлаар 1500 гаруй төрийн албан хаагч уг сургалтад хамрагдаж, гэрчилгээгээ авсан.
Сургалтад хамрагдаагүй 1100 гаруй албан хаагч бий. Эдгээр албан хаагчийг сургалтад хамруулахад байгууллагын удирдлагууд нь онцгой анхаархыг санууллаа. Төрийн алба хаагчийг чадавхжуулах төрийн албан хаагчид хамрагдах зайлшгүй сургалт. Төрийн албан хаагч бүр “Алсын хараа-2050” гэж юу юм, “Шинэ сэргэлтийн бодлого” гэж юу гээд бүх Засгийн газраас хэрэгжүүлж байгаа бодлого, хөтөлбөрийн талаар мэдээлэлтэй байх ёстой.
Бүртгэл маргаашнаас эхэлнэ. Бүгд хамрагдахыг сануулья. Манай аймагт Монгол Улсын Засгийн газраас баримталж буй хэд хэдэн зүйл бий. Тухайлбал, Хот хөдөөгийн сэргэлт, Цахим шилжилт, Монголд зочлох жил, Ил тод байдал гэх мэт бодлогод Орхон аймаг 2023 онд томоохон үүрэг хүлээнэ.

Барилга байгууламж, хөрөнгө оруулалтын ажлууд эхэлж байна. Хяналт, шалгалт хийдэг байгууллагууд идэвхтэй сайн ажиллаарай. Эхнээс нь зөв зохион байгуулалт, зөв төлөвлөгөө гаргачихбал ирээдүйд бид хохирол бага амсана. Хяналт тавьдаг албан тушаалтан, мэргэжилтнүүд амралтаа зөв зохицуулахыг хүсье" гэлээ.

Мэдээллийн төв