Хотын гэрэлтүүлэг шинэчлэлийн хүрээнд хоёр төрлийн гэрэлтүүлэг суурилуулж байна
Энэ оны хөрөнгө оруулалтын нэг томоохон ажил нь авто зам болон явган замын гэрэлтүүлгийн шинэчлэл юм. Нийт 9 байршилд авто зам дагуух 275ш, явган зам дагуу 105ш нийтдээ 380 гэрэлтүүлгийг шинэчлэх ажлыг орон нутгийн төсвийн хөрөнгө оруулалтаар “Мөнх номгон” ХХК гүйцэтгэж байна. Үүнд, 56вт 105ш, 200вт 275ш, цамхагт гэрэлтүүлгийг хоёр байршилд тус тус гүйцэтгэж байна.
Байршлаар нь авч үзвэл...
- Сүмтэй уулзвараас Холбооны уулзвар хүртэл 56вт-50ш, 200вт-100ш гэрэлтүүлэг,
- Барилгачингийн уулзвараас Холбооны уулзвар хүртэл 56вт-11ш, 200вт-11ш,
- Зуун айлаас Хойд дугуй хүртэл 56вт, 200вт 42ш,
- 5-1р байрнаас Орос элчин хүртэл 56вт, 200вт 10ш,
- Жастын уулзвараас Булган гарах зам дагуу 56вт, 200вт 46ш гэрэлтүүлэг
- Орхон молл худалдааны төвөөс Орос элчин хүртэл 56вт, 200вт 17ш, явган замын 34ш гэрэлтүүлгийг шинээр суурилуулах ажил 65 хувийн гүйцэтгэлтэй үргэлжилж байна.
- Мөн Барилгачдын талбайн уулзвараас Сүмийн уулзвар хүртэл 30 ширхэг ЛЕД дэлгэц суурилуулагдана.
Хотын гэрэлтүүлэг шинэчлэлийн үр дүнд орчны аюулгүй байдал, ялангуяа оройн болон шөнийн цагийн хөдөлгөөнд эерэг нөлөө үзүүлнэ гэж үзэж буй. Түүнчлэн шинээр суурилуулж буй гэрэлтүүлэг нь хотын өнгө үзэмжийг сайжруулах, орон нутгийн онцлогийг шингээсэн хоёр төрлийн гэрэлтүүлэг юм.
Өмнөх жилүүдэд хэсэгчлэн болон урсгал засвар, шинэчлэл хийж байсан бол энэ жил 100 хувь шинэчилж буйгаараа онцлогтой. Гэрэлтүүлгүүдийн газар доорх кабель гэмтэж, ашиглалтын хугацаа дуусахын зэрэгцээ өнөөдөр мөрдөж буй гэрэлтүүлгийн стандарт шаардлагад нийцэхгүй болсон учир стандартад нийцүүлж буйг мэргэжлийн байгууллагаас хэлж байна. Хотын гэрэлтүүлэг шинэчлэлийн ажил 65 хувьтай үргэлжилж байна.
Мэдээллийн төв
