ТӨСВИЙН ОРЛОГО, БҮРТГЭЛ
1. Аймгийн татварын орлогын төлөвлөлт, татвар хураалтын ажлын зохион байгуулалтын талаар бодлогын удирдамж, чиглэлээр хангах, татварын орлогын төлөвлөгөөний биелэлтэд хяналт тавих, Засаг даргыг  мэдээллээр  хангах 
2. Нягтлан бодох  бүртгэлийн  ажлыг  мэргэжил арга зүйн удирдлагаар  хангах, мэргэшсэн нягтлан бодогчийн эрх олгох шалгалтыг мэргэжлийн байгууллагатай хамтран зохион  байгуулах. 
3. Аж ахуйн нэгж байгууллагын санхүүгийн тайланг хүлээн авах, нэгтгэн Сангийн яаманд  хүргүүлэх 
4. Шийтгэлийн хуудсыг Хууль зүй, дотоод хэргийн яамнаас захиалан авч эрх бүхий байгууллага, албан  тушаалтанд олгож, тооцоог хийх, тайлагнах.
ТӨСВИЙН ТӨЛӨВЛӨЛТ, БҮРДҮҮЛЭЛТ,  ХУВААРИЛАЛТ
1. Хэлтэс нь сумдын төсвийн төсөл, орон нутгийн төсвийн байгууллагуудын төсвийн төсөл, тусгай зориулалтын шилжүүлгийн байгууллагын төсөл, орон нутгийн хөгжлийн сангийн эх үүсвэрийг төсвийн төлөвлөлтийн мэдээллийн системээр боловсруулан нэгтгэж, Засаг даргын зөвлөлөөр хэлэлцүүлэн, Сангийн яаманд хянуулж, аймгийн Иргэдийн төлөөлөгчдийн хурлаар батлуулах
2. Төсвийн орлого, санхүүгийн дэмжлэг, тусгай зориулалтын шилжүүлэг, орон нутгийн хөгжлийн сангийн орлогын шилжүүлгийн сар улирлын хуваарийг нэгтгэн Төсвийн Ерөнхийлөн захирагчийн шийдвэрээр батлуулан, төсвийн төлөвлөлтийн системд оруулан, зарцуулалтын эрхийг нээж, гүйцэтгэлийг хангуулан ажиллана.
ТӨРИЙН  САНГИЙН ҮЙЛЧИЛГЭЭ
1. Төрийн сангаар үйлчлүүлэгч байгууллагын төсвийн хэрэгжилтийг оновчтой зохион байгуулж, тэнцлийг хангах, төсөв түүний хэрэгжилтийн нягт уялдааг хангах замаар санхүүгийн хяналтыг сайжруулах.
2. Төсөвт байгууллагуудын мөнгөн хөрөнгийн урсгал, санхүүгийн үр дүнд тавих хяналт болон төсвийн хөрөнгийн ашиглалтыг сайжруулах, төсөв санхүүгийн иж бүрэн мэдээллээр хэрэглэгчдийг цаг хугацаанд нь хангах, төсвийн төлбөр тооцоог Төрийн сангийн системээр дамжуулж шуурхай гүйцэтгэх,  хяналт тавих, гүйцэтгэлийг сар, улирлаар тооцон мэдээлэл боловсруулах, холбогдох  газарт  хүргүүлэх, Засаг даргыг  мэдээллээр  хангах 
3. Санхүүгийн тайлан тэнцлийг хагас, бүтэн жилээр гарган тогтоосон хугацаанд Сангийн яаманд  хүргүүлэх, аймгийн Засаг даргыг  мэдээллээр  хангах. 
4. Орон нутгийн хөгжлийн сан, хөрөнгө оруулалтын сан, нөөц сан, орон нутгийн бусад, хуваарилагдаагүй зардлын  дансыг  хариуцан  баримтын  бүрдлийг  хангах,  гүйлгээ  хийх,  гүйцэтгэлд  хяналт  тавих. 
6. Төрийн сангийн дотоод хяналтыг журмын дагуу сумдын болон төрийн сангаар үйлчлүүлэгч төсөвт байгууллагад тавьж, арга зүйгээр хангаж ажиллана.
БУСАД
1. Улсын дайчилгааны төлөвлөгөөнд шаардагдах мэдээ материалыг цуглуулж төлөвлөгөө боловсруулах, батлуулах, тодотгох
2. Санхүүгийн  зохицуулах хорооны зохицуулалттай байгууллагын үйл ажиллагаанд хөндлөнгийн хяналт тавих, тус байгууллагатай  холбоотой  иргэдээс ирсэн өргөдөл  гомдлыг хүлээн авч шийдвэрлүүлэх