Орхон аймгийн Хот тохижуулах газар нь Хүний нөөц төлөвлөлтийн алба, Үйлвэрлэл, үйлчилгээний алба, Санхүүгийн алба гэсэн 3 албатай. Тээвэр аж ахуйн хэсэг, Зам талбайн 1, 2, 3 дугаар хэсэг, Тохижилт, Автозамын хэсэг гэсэн нийт 6 хэсэгтэй, 332 ажилтан албан хаагчтайгаар хотын хэмжээний 1500 га талбай, нэрэмжит 15 гудамж, 3 талбай, орон сууцны 7 бичил хорооллын байр хоорондын талбай, хотын болон орон нутгийн, гэр хорооллын авто болон явган зам хариуцан, 1650 гаруй аж ахуйн нэгж, байгууллагууд, 27 мянга гаруй өрхийн 100 гаруй мянган хүн амыг амгалан тайван, аюулгүй, тав тухтай, цэвэр орчинд амьдруулах зорилгоор дараах ажил үүргийг гүйцэтгэж байна. Үүнд:

·         Нэрэмжит гудамж, талбай, байр хоорондын авто замын тэмдэг, тэмдэглэл болон явган зам, зүлэгтэй талбайн ахуйн болон хуурай хог хаягдал, цас мөс, халтиргаа гулгаа, шороо, чулууны цэвэрлэгээ үйлчилгээ,

·         Эзэнгүй дүүрэг, гуу жалга, үерын далан шуудуу, уртын замын цэвэрлэгээ үйлчилгээ, хог тээвэрлэлт,

·         Хотын бичил хороолол, гэр хорооллын айл өрх, албан газар, аж ахуйн нэгж, байгууллагуудын ахуйн болон үйлдвэрлэлийн хог хаягдалыг ачилт, тээвэрлэлт, дарж устгах.

·         Хотын доторх нийтийн эзэмшлийн эд аж ахуйн тохижилт, сэргээн засварлалт, арчилгаа тордолт, зарим эд аж ахуйг шинээр хийж байрлуулах,

·         Эзэнгүй нохой, муур устгал,

·         Ерөнхий боловсролын сургуулийн сурагчдыг автобусаар сургуульд нь хүргэж, авч үйлчилгээ болон Эрдэнэт хотын иргэдэд нийтийн тээврийн тээврийн автобусаар үйлчилж байна.

·         Хотын болон гэр хороолол, орон нутгийн чанартай автозамуудын арчилгаа тордолтын ажлыг жилийн 4 улиралд зэрэгцүүлэн гүйцэтгэж байна.