1.Батлан хамгаалах талаарх  бодлого, хууль тогтоомжийг биелүүлэх ажлыг орон нутагт зохион  байгуулах, хэрэгжилтэнд  нь  хяналт  тавих 

2.Хуульд заагдсан удирдлага, төлөвлөлтийн баримт бичгийг боловсруулах, хэрэгжүүлэх  ажлыг зохион байгуулах, хяналт тавих 

3.Эрх бүхий байгууллагын шийдвэр, аймгийн Засаг даргын захирамжийн дагуу иргэдийг жил бүр цэргийн жинхэнэ албанд татах, халах, цэрэг-техникийн шинэчилсэн бүртгэл явуулах ажлыг зохион байгуулах, дайчилгааны даалгаврыг хангах бүх  талын арга хэмжээ авах 

4.Иргэний хамгаалалтын арга хэмжээг орон  нутагт төлөвлөн зохион байгуулж, хяналт тавих, оперативын бэлтгэлийн явц, төлөвлөлт, биелэлтэнд дүгнэлт хийж боловсронгуй болгох, байгалийн болон бусад гамшиг ослоос сэргийлэх, тэмцэх, хамгаалах, аврах, хор уршгийг арилгах үйл ажиллагааг удирдах, мэргэжлийн  дэмжлэг туслалцаа үзүүлэх 

5.Сум болон аж ахуйн нэгж, байгууллагаас цэргийн болон иргэний хамгаалалтын сургалт, дадлагад оролцох хүн, техникийг тодорхойлох, үүнтэй холбогдсон төлөвлөгөө  хийхэд туслах, зарлан  мэдээллийг  хүргэх 

6. Цэргийн сургуульд суралцах, анги, салбарт гэрээгээр алба хаах хүсэлтээ илэрхийлсэн  иргэдийг сургах, үзлэг, шалгаруулалтанд оруулах

7.Эрхэлсэн ажлын чиглэлээр Төрийн захиргааны төв байгууллага,  мэргэжлийн  удирдлагын байгууллага, Засаг даргаас өгсөн үүргийг биелүүлэх ажлыг зохион байгуулах, Засаг даргад  мэргэжлийн зөвлөгөө  өгөх,  үйл  ажиллагаанд  нь  дэмжлэг  туслалцаа  үзүүлэх 

8. Батлан хамгаалахын сайдын тушаал, шийдвэрийн хэрэгжилтэнд хяналт тавих

9. Цэргийн албыг биеэр дүйцүүлэн хаагчдыг сургах, алба хаалгах, тэдэнтэй холбогдсон  асуудлыг  зохих  байгууллагад тавьж шийдвэрлүүлэх 

10. Цэргийн албыг мөнгөн төлбөрийн хэлбэрээр дүйцүүлэн хаагчдын бүртгэлийг хөтлөн  төлбөр  төлүүлэх  ажлыг зохион байгуулах. 

11. Цэргийн бэлтгэл үүрэгтэнг давтан сургах, цэргийн дүйцүүлэх алба, иргэний хамгаалалтын  үйл ажиллагааг явуулахтай холбогдсон зардлын нэгдсэн тооцоог гаргаж, орон нутгийн төсөвт  тусгуулахаар аймгийн Засаг даргад уламжлах 

12. Амралт, чөлөөгөөр болон томилолтоор орон  нутагт яваа цэргийн жинхэнэ албан хаагчийг  бүртгэн, чөлөөний хуудас, томилолтод тэмдэглэл хийх 

13. Аймгийн нутаг дэвсгэрт байгаа цэргийн үүрэгтний шилжилт хөдөлгөөнд хяналт тавих, иргэдээс ирүүлсэн өргөдөл, гомдол, санал, гомдлыг барагдуулах. 

14. Аймгийн Байнгын Онцгой комиссын ажлыг зохион байгуулахад Засаг даргад дэмжлэг  үзүүлэх 

15. Цэрэг-иргэний хамгаалалтын ажлын мэдээ, тайланг тогтоосон журмаар гарган батлан хамгаалах асуудал эрхэлсэн төрийн захиргааны төв байгууллага, цэргийн мэргэжлийн удирдлагын  холбогдох төв байгууллагад явуулах, илтгэх.