1. Хууль тогтоомжийн системчлэл, мэдээллийн ажлыг эрхэлнэ.

2. Хүчин төгөлдөр үйлчилж байгаа хуулиуд, Улсын Их хурал, Засгийн газрын тогтоол, Ерөнхийлөгчийн зарлиг, Ерөнхий сайдын захирамж, яам, агентлагийн эрх зүйн акт, аймаг, нийслэлийн Иргэдийн Төлөөлөгчдийн Хурлын Тэргүүлэгчдийн тогтоол, Засаг даргын захирамжаар хууль тогтоомжийн бүртгэл-лавламжийн сан бүрдүүлэх.

3. Шинээр батлагдсан эрх зүйн актаар сангаа баяжуулж өөрчлөлт, хөдөлгөөнийг цаг тухайд нь бүрэн гүйцэд хийх.

4. Хууль тогтоомжийн бүртгэл-лавламжийн сан, эрх зүйн нэгдсэн системээс лавлагаа авах техникийн  боломжийг бүрдүүлж түүнээс  иргэд, аж ахуйн нэгж, байгууллагад тодорхой журмын дагуу лавлагаа өгөх, тэднийг шинээр гарсан хууль тогтоомжийн талаархи мэдээллээр хангах.

5. Нутгийн захиргааны байгууллагад эрх зүйн туслалцаа үзүүлнэ.

6. Аймаг, нийслэлийн Засаг даргын захирамжийн төсөлд санал, дүгнэлт өгч хууль зүйд нийцүүлж гаргахад мэргэжлийн туслалцаа үзүүлэх.

7. Аймгийн  Засаг даргын хэм хэмжээ тогтоосон шийдвэрийг зохих журмын дагуу Хууль зүй, дотоод хэргийн яаманд хянуулж, улсын нэгдсэн бүртгэлд бүртгүүлэх.

8. Аймгийн Засаг даргаас нутгийн өөрөө удирдах байгууллагад буюу аймаг, нийслэлийн Иргэдийн Төлөөлөгчдийн Хурлын Тэргүүлэгчдийн хуралдаанд оруулах шийдвэрийн төслийн хууль зүйн үндэслэлд санал өгөх.

9. Сумын  Засаг даргын захирамжийн хууль зүйн үндэслэлийг хянаж илэрсэн зөрчлийг арилгуулах арга хэмжээ авах.

10. Шаардлагатай дүрэм, журам, заавар боловсруулан аймгийн Засаг дарга болон Иргэдийн Төлөөлөгчдийн Хурлаар батлуулж  мөрдөх

11. Аймгийн Засаг даргын шийдвэртэй холбогдуулж иргэд, байгууллагаас Захиргааны хэргийн шүүхэд гаргасан нэхэмжлэлийг шүүх хуралдаанаар хэлэлцэхэд Засаг даргыг төлөөлж оролцох

12. Эрх зүйн сургалт, сурталчилгааны ажлыг удирдан чиглүүлнэ.

13. Нутаг дэвсгэрийн хэмжээнд эрх зүйн албан бус сургалт, сурталчилгааны ажлыг  зохион байгуулах

14. Эрх зүйн сургалт сурталчилгааны ажилд төрийн болон төрийн бус байгууллага, хууль сахиулах байгууллага, хэвлэл мэдээллийн байгууллага, иргэдийн оролцоог хангах, дэмжлэг үзүүлэх хамтран ажиллах 

15. Эрх зүйн сургалт, сурталчилгаа явуулах анхан шатны нэгж болох сум, багийг гарын авлагаар хангах.

16. Сумдын  хууль зүйн ажлыг удирдан чиглүүлнэ.

Сумын Засаг даргын Тамгын газрын дарга буюу нотариатчийн үүрэг гүйцэтгэгчийн ажлыг арга зүйн удирдлага, мэдээллээр хангах, мэргэжлийн  зөвлөгөө өгөх, шаардлагатай гарын авлага, материалаар хангах.

17.Сумын нутаг дэвсгэрийн хэмжээнд эрх зүйн сургалт, сурталчилгаа, гэмт хэргээс урьдчилан сэргийлэх ажлыг удирдлага, мэргэжил арга зүйгээр хангах, зөвлөгөө мэдээлэл өгөх

18. Орон нутгийн хэмжээнд хуулийн хэрэгжилтийн байдлыг шалгаж зааварлана.

19. Тодорхой хуулийн хэрэгжилтийн байдлыг аймгийн  Засаг даргын Тамгын газрын бусад хэлтэс, Засаг даргын дэргэдэх агентлаг, бусад холбогдох байгууллагуудтай  хамтран  шалгах,   мэргэжлийн заавар, зөвлөгөө өгөх

20. Гадаадын иргэн /Монгол улсад зорчигч, түр буюу удаан хугацаагаар оршин суугч, цагаач/-ий асуудлыг эрх хэмжээнийхээ хүрээнд хариуцна.

21. Гадаадын иргэдийн иргэний гэр бүлийн байдлын бүртгэлийг эрхлэн явуулж, холбогдох мэдээллийг тухай бүр Гадаадын иргэн, харъяатын асуудал эрхлэх албанд хүргүүлж байх.

22. Цагдаагийн байгууллага гадаадын иргэдийн хөдөлгөөнд хяналт тавих үүргээ хэрхэн биелүүлж  байгаатай танилцаж заавар, зөвлөгөө өгч ажиллах.

23. Архивын ажлыг мэргэжил, арга зүйн удирдлагаар хангаж ажиллана. /Аймгийн архивын тасаг Хууль, эрх зүйн хэлтсийн бүрэлдэхүүнд байгаа нөхцөлд/

24. Төрийн архивын сан хөмрөгийн хадгалалт, хамгаалалт, тоо бүртгэл, сан хөмрөгийг нөхөн бүрдүүлэх, иргэд байгууллагад лавлагаа мэдээллээр үйлчлэх ажлыг хуулийн хүрээнд зохион байгуулах

25. Архив, албан хэрэг хөтлөлтийн талаар хууль тогтоомж дүрэм журам зааврын хэрэгжилтийг аймгийн хэмжээнд хангуулах, төрийн болон төрийн өмчит аж, ахуйн нэгж байгууллагын архив, албан хэрэг хөтлөлт хариуцсан ажилтнуудыг мэргэжил арга зүйн удирдлагаар хангах,  үйл ажиллагаанд хяналт тавих

26. Хүний эрхийг хангах Үндэсний хөтөлбөрийг хэрэгжүүлэх ажлыг орон нутагт зохион байгуулна.

27. Хүний эрхийн асуудлаар нутгийн захиргааны болон төрийн бус байгууллагаас зохион байгуулж байгаа үйл ажиллагааг уялдуулан зохицуулах.

28. Хүний эрхийн талаарх хууль тогтоомж, Хүний эрхийг хангах Үндэсний хөтөлбөрийг иргэд, байгууллагад сурталчлах ажлыг зохион байгуулах

29. Хууль зүй, дотоод хэргийн сайдын эрхлэх асуудлын хүрээний Засгийн газрын тохируулагч, хэрэгжүүлэгч агентлагийн орон нутгийн байгууллагуудын үйл ажиллагааг бодлого, зохицуулалтаар хангах, тэдгээрийн үйл ажиллагаанд хяналт-шинжилгээ, үнэлгээ хийх асуудлыг эрхэлнэ.

30. Аймгийн хэмжээнд нийгмийн дэг журам сахиулах, гэмт хэрэгтэй тэмцэх, урьдчилан сэргийлэх ажлыг зохион байгуулах

31.Аймаг, нийслэлийн Засаг даргаас шүүх, прокурор, нотариат, өмгөөлөх байгууллагатай харилцах асуудлыг төлөөлөн явуулах

32.  “Эрх зүйн туслалцааны төв”-ийг хариуцан ажиллуулах