1, 6, 10 дугаар цэцэрлэгийн гадна фасадыг металл фасадаар шинэчиллээ
Аймгийн Засаг даргын 2024–2028 оны үйл ажиллагааны хөтөлбөрийн хүрээнд боловсролын салбарын сургалтын орчныг сайжруулахад чиглэсэн хөрөнгө оруулалтын ажлуудыг үе шаттай хэрэгжүүлж байна.
Үүний нэг нь сургууль, цэцэрлэгийн гадна фасадын шинэчлэл, дулаалга юм. Орон нутгийн төсвийн хөрөнгө оруулалтаар 1, 10 дугаар цэцэрлэг, Болзошгүй аваарын зардлаар 6 дугаар цэцэрлэгийн гадна фасадыг металл фасадаар шинэчилж, дулааллаа.
Гадна фасадыг металл фасадаар шинэчилж, дулаалах нь өнгө үзэмжийг сайжруулахаас гадна өвлийн улиралд дулаан алдагдлыг бууруулах, сургууль, цэцэрлэгийн барилгын чанар, ашиглалтыг сайжруулах, хүүхдүүдийн сурч боловсрох эрүүл, аюулгүй орчныг бүрдүүлэх, эрчим хүчний үр ашигтай хэрэглээг бий болгох зэрэг олон талын ач холбогдолтой хөрөнгө оруулалт юм.
Цаашид олон жилийн насжилттай сургууль, цэцэрлэгүүдийг эрэмбэлэн, гадна фасадын шинэчлэл, дулаалгын ажлыг үе шаттай хэрэгжүүлнэ. Мөн шинээр баригдаж буй сургууль, цэцэрлэгүүдийг орчин үеийн, эрчим хүчний хэмнэлттэй, металл фасадын шийдэлтэйгээр төлөвлөж, хэрэгжүүлэхэд анхаарч байна.
Мэдээллийн төв
