Ерөнхий боловсролын сургуулиудад амны хөндийн эрүүл ахуйг сахих орчин бүрдлээ
Эрдэнэт хотын 50 жилийн ойн хүрээнд иргэд, аж ахуйн нэгж байгууллагаас өгсөн хандиваар төрийн өмчийн 17, хувийн хэвшлийн 4 нийт 21 сургуулийн 26 хичээлийн байранд хүүхдийн нас, биеийн онцлогт тохирсон, 4-5 угаалтуур бүхий шүд угаах булан байгууллаа.
Ингэснээр сурагчид хичээлийн өдөр тутмын орчинд амны хөндийн эрүүл ахуйгаа сахих боломж бүрдлээ. 2025 онд ерөнхий боловсролын 22 сургуулийн 2,557 сурагчийг амны хөндийн эрүүл ахуйн үзлэгт хамруулахад 88.6 хувь нь шүдний өвчлөл, цооролттой, 81.5 хувь нь шүдээ зөв, бүрэн угаадаггүй гэсэн дүгнэлт гарсан.
50 жилийн ойн хүрээнд иргэд, аж ажуйн нэгж байгууллагаас өгсөн хандивын 138 тэрбум төгрөгийн санхүүжилтээр хэрэгжүүлсэн энэхүү ажил нь хүүхдийн амны хөндийн эрүүл мэндийг хамгаалах, шүдний өвчлөлөөс урьдчилан сэргийлэх, эрүүл ахуйн зөв дадлыг төлөвшүүлэхэд чиглэсэн үр өгөөжтэй хөрөнгө оруулалт юм.
Мэдээллийн төв
