Баяр наадмын нийтийн хоол, худалдаа, фото зургийн үйлчилгээний бүртгэлийг цахимаар зохион байгуулна
Баяр наадмын нийтийн хоол, худалдаа, фото зургийн үйлчилгээний бүртгэлийг маргааш буюу 27-нд цахимаар зохион байгуулна.
Нийтийн хоол, худалдаа үйлчилгээ, фото зургийн үйлчилгээ эрхлэгчид Орхон аймгийн www.erdenet.mn албан ёсны цахим хуудсанд нэвтэрч ВЭБСАЙТ хэсэгт дарахад
- "Баяр наадмын үeэр ажиллах нийтийн хоол үйлдвэрлэл эрхлэгчдийн цахим бүртгэл",
- "Баяр наадмын үeэр ажиллах худалдаа, үйлчилгээ эрхлэгчдийн цахим бүртгэл" гэсэн цэс харагдана.
Энэ 2 цэснээс ажиллах чиглэлээ сонгоод асуумжийг үнэн зөв бөглөн, скайнeрдаж бэлдсэн бүрдүүлэх бичиг баримтыг хавсаргана.
БҮРДҮҮЛЭХ МАТЕРИАЛ: Нийтийн хоолны чиглэлээр
1. Нийтийн хоол үйлдвэрлэлийн чиглэлээр үйл ажиллагаа явуулдаг аж ахуйн нэгжийн хүсэлт, холбогдох утасны дугаар
2. Аж ахуйн нэгжийн гэрчилгээний хуулбар
3. Тогоочийн мэргэжлийн үнэмлэхийн хуулбар
4. Тогооч, ажилчдын эрүүл мэндийн цэнхэр дэвтэр баталгаажсан байх
5. Хүнс, хөдөө аж ахуйн газрын Хүнсний мэдээллийн санд бүртгэгдсэн бүртгэлийн хуудас
Жич: Баяр наадмын үеэр нийтийн хоолны чиглэлээр /хуушуур, шорлог / үйл ажиллагааг ЗӨВХӨН ХХААГ-ын Хүнсний мэдээллийн санд бүртгэлтэй, байнгын үйл ажиллагаа явуулдаг, хоолны дээжний шинжилгээнд тогтмол хамрагддаг иргэн, аж ахуйн нэгж байна.
Худалдаа, үйлчилгээ явуулахад бүрдүүлэх матeриал
- Аж ахуйн нэгж, иргэний хүсэлт, утасны дугаар
- ААН-ийн гэрчилгээний хуулбар, иргэн бол иргэний үнэмлэхийн хуулбар
- Эрүүл мэндийн шинжилгээний, дэвтрийн хуулбар /Зөвхөн хүнсний худалдаа эрхлэгчид/
Цахим бүртгэл 2025 оны 06 дугаар сарын 27-ны 09:00 цагт нээгдэж, 17:30 цагт хаагдана.
АНХААРУУЛГА!
Материал дутуу бол бүртгэл баталгаажихгүй. Аж ахуйн нэгж, үйлчилгээний газарт 1 зөвшөөрөл олгоно.
Мэдээллийн төв
