Эрдэнэт 50 зүрх, Зүрх мартахгүй төслийн баг Орхон аймагт ажиллаж байна
Эрдэнэт хотын 50 жилийн ойн хүрээнд "Бундан" ТББ-тай хамтран "Эрдэнэт 50 зүрх" төслийг хэрэгжүүлж байгаа билээ. "Зүрх мартахгүй" төслийн зүрх судас, чээжний хөндийн мэс заслын эмч, доктор Б.Хашчулуун тэргүүтэй 13 хүний бүрэлдэхүүн өнөөдөр манай аймагт ажиллаж байна. Багийн бүрэлдэхүүнд хүүхдийн болон насанд хүрэгчдийн эхо, судсан дотуурх оношилгоо зэрэг 7 эмч багтжээ.
Энэхүү төслийн зорилго нь ойн хүрээнд 50 бяцхан зүрхийг эрүүл энх болгох юм. Шинэ оны өмнө "Эрдэнэт 50 зүрх" төслийн хүрээнд 2 настай Г.Урин охины хагалгаа амжилттай болж, өнөөдөр бүрэн эдгэрсэн гэх мэдээг эмчээсээ дууллаа. Охины аав, ээж аймгийн Засаг дарга Б.Зоригтбаяр, ЗДТГ-ын хамт олонд талархал ирэлхийллээ.
Охины эмчилгээний төлбөрийг аймгийн ЗДТГ-ын ажилтан албан хаагчид нэг өдрийн цалингаа хандивлаж бүрдүүлсэн юм. Төслийн хүрээнд 2026 онд хоёр удаагийг үзлэг, оношилгоог орон нутагт зохион байгуулахаар төлөвлөсөн. Үзлэг Эрүүл мэндийг дэмжих төвд энэ сарын 30,31-нд үргэлжилнэ.
Мэдээллийн төв
