Сургууль, цэцэрлэг орчмын 44 цэгийг камержууллаа
Аймгийн хэмжээнд байх 666 ширхэг камерыг энэ оны хөрөнгө оруулалтаар 363-аар нэмэгдүүлж 1029 болголоо. Тодруулбал, энэ онд орон нутгийн төсвийн 2 тэрбум 298 сая төгрөгийн хөрөнгө оруулалтаар нийтийн эзэмшлийн талбай болон сургууль, цэцэрлэгийн орчим, гэр хорооллын бүсийг 363 ширхэг камераар нэмэгдүүлж буй.
Ялангуяа, энэ жил сургууль, цэцэрлэгийн гадна талбайг камержуулахад онцгой анхаарч 631 сая төгрөгийг төсөвлөсөн. Хичээлийн шинэ жил эхлэхтэй зэрэгцэн сургууль орчмын 16 цэгт 274 сая төгрөгийн хөрөнгө оруулалтаар 100 ширхэг хөдөлгөөнт камер, 357 сая төгрөгийн санхүүжилтээр цэцэрлэг орчмын 28 цэгт 128 ширхэг камер суурилуулав. Үр дүнд сургууль, цэцэрлэг орчим гэмт хэрэг зөрчилгүй “ногоон бүс” болно.
Мөн аймгийн хэмжээнд дугаар илрүүлэгч, царай танигч камерыг тус бүр 15-аар нэмэгдүүллээ. Түүнчлэн 21 багийн камерын хяналтыг нэмэгдүүлж, сайжруулах бөгөөд есдүгээр сарын 2-ны өдрийн байдлаар 10 багт камер суурилуулах ажил 100 хувь дуусч, үлдсэн багуудад ажил үргэлжилж байна.
2023 онд орон нутгийн төсвийн 735 сая төгрөгийн хөрөнгө оруулалтаар 133 ширхэг камерыг шинээр суурилуулсан билээ.
Мэдээллийн төв
