Авто тээврийн төвд цахилгаан автомашин цэнэглэх цэг нээгдлээ

Засгийн газраас хэрэгжүүлж буй “Ногоон Өртөө” санаачилга, Эрдэнэт хотын 50 жилийн ойн хүрээнд байгальд ээлтэй авто машины хэрэглээг дэмжиж хоёр дахь “Цахилгаан авто машин цэнэглэх цэг”-ийг аймгийн Авто тээврийн төвийн зогсоолд байгууллаа. Энэхүү ажлыг “50 жил-50 бүтээн байгуулалт”-ын хүрээнд LEAF Center, ECO Car компани болон аймгийн Авто тээврийн төв хамтран хэрэгжүүлэв.

Тус цэг нь нэгэн зэрэг хоёр авто машин цэнэглэх бөгөөд үнийг 1 кВт тутамд 800 төгрөг байхаар тогтжээ. 60 кВт-ын хурдан цэнэглэгч нь 40 минутын дотор авто машины баттерейг 80 хүртэл хувиар цэнэглэх боломжтой юм. Ингэснээр Улаанбаатар хотоос Хөвсгөл хүртэл цахилгаан машинаар явах боломж бүрдэж байна.

Мэдээллийн төв