Аймгийн Газрын харилцаа, Барилга хот байгуулалтын газрын дарга, "Эрдэнэт Ус" ДТС ОНӨХК-ийн удирдлагууд өөрийн хүсэлтээр үүрэгт ажлаасөө чөлөөлөгдөж,   шинэ томилгоо хийлээ.

Томилгоог 2025.06.27-ны өдрийн Засаг даргын өргөтгөсөн шуурхай хуралдаанаар танилцуулав.

Тодруулбал, Газрын харилцаа, барилга хот байгуулалтын газрын даргын албан үүргийг түр орлон гүйцэтгэгчээр аймгийн ЗДТГ-ын Хөгжлийн бодлого төлөвлөлт, хөрөнгө оруулалтын хэлтсийн ахлах мэргэжилтэн Р.Галбаатарыг томиллоо. 

БОЛОВСРОЛЫН БАЙДАЛ:

• Нийслэлийн арван жилийн 15 дугаар ерөнхий боловсролын дунд сургууль;
• 2005-2009 онд Барилгын Политехникийн коллежийг Иргэний ба үйлдвэрийн барилгын инженер;
• 2015-2018 онд Их засаг Олон улсын Их сургуулийг эрх зүйч мэргэжлээр тус тус суралцаж төгссөн.

МЭРГЭШИЛ: -2025 онд Зөвлөх инженер

АЖИЛ ЭРХЛЭЛТИЙН БАЙДАЛ:

• 2009-2010 онд “Чингис хааны онгон” ХХК-д барилгын зураг төслийн инженер
• 2010-2019 онд Орхон аймгийн Газрын харилцаа, Барилга хот байгуулалтын газар мэргэжилтэн
• 2019-2020 онд Орхон аймгийн мэргэжлийн хяналтын газарт улсын байцаагч
• 2020-2021 онд "Эрдэнэт үйлдвэр" ТӨҮГ-т инженер
• 2021-2022 онд Хотын захирагчийн албанд архитектор
• 2022 оноос өнөөг хүртэл Орхон аймгийн Засаг даргын Тамгын газрын Хөгжлийн төлөвлөлт, хөрөнгө оруулалтын хэлтэст ахлах мэргэжилтнээр ажиллаж байгаад ийн томилогдож байна. 

Мөн Мэдээлэл холбооны сүлжээ ТӨХК-ийн захирлаар ажиллаж байсан Г. Эрдэнэбатыг "Эрдэнэт Ус" ДТС ОНӨХК-ийн захирлаар томиллоо. 

БОЛОВСРОЛ:

• 1994 – 2004 “Наран” цогцолбор 10-н жилийн дунд сургууль
• 2004 – 2008 ШУТИС-ын харьяа Ш.Отгонбилэгийн нэрэмжит Технологийн сургуулийг авто ашиглалтын инженер мэргэжлээр
• 2009 – Хангайн бүсийн Улс төрийн боловсролын академийг төрийн удирдлагын менежер мэргэжлээр
• 2009 – 2011 “Маргад” дээд сургуулийг Эдийн засагч, нягтлан бодогч мэргэжлээр
• 2013 – 2015 “Засагт хан” дээд сургуулийг Төрийн удирдлагын менежер мэргэжлээр
• 2018 он – Засгийн газрын хэрэгжүүлэгч агентлаг “Удирдлагын академи”-ийг төрийн удирдлагын менежер мэргэжлээр
• 2019 оноос – “Удирдлагын академи” Төрийн удирдлагын ухааны докторантаар элсэн суралцаж байна. 
• 2022 – 2024 ШУТИС-ын Мэдээлэл холбооны технологийн сургуулийн Утасгүй холбооны инженер

БОЛОВСРОЛЫН ЗЭРЭГ:Төрийн удирдлагын болон Техникийн ухааны магистр

АЖЛЫН ТУРШЛАГА:

• 2006 – 2007 “Эрдэнэт үйлдвэр” ХК-ний Маркетинг мэдээллийн хэлтсийн хөтлөгч
• 2008 – 2009 Орхон аймгийн “Гэр бүлийн ордон” ОНӨҮГ-ийн менежер
• 2009 – 2010 Орхон аймгийн Жаргалант сумын Соёл мэдээллийн төвийн эрхлэгч
• 2010 – 2017 Эрдэнэтийн Дулааны Цахилгаан станц” ТӨХК-ийн Бүтээмжийн мэргэжилтэн, Материал хангамж аж ахуйн хэлтсийн механик инженер
• 2017 – өнөөг хүртэл "Орхон аймгийн Мэдээлэл холбооны сүлжээ" ТӨХХК-ийн газрын даргаар ажиллаж байгаад ийн томилогдож байна.

СОНГУУЛЬТ АЖИЛ:

• 2016 он Аймгийн ИТХ-ын төлөөлөгч, Эрх зүй нутгийн удирдлагын хорооны гишүүн
• 2020 он Аймгийн ИТХ-ын төлөөлөгч, Зөвлөлийн гишүүн,Төсөв, санхүүгийн хөгжлийн хорооны дарга
• 2024 он Аймгийн ИТХ-ын төлөөлөгч, Төсөв, санхүүгийн хөгжлийн хорооны дарга,  МАН-ын бүлгийн дэд дарга

Мэдээллийн төв