“Эрдэнэт хотын гамшигт тэсвэртэй байдал төслийн” удирдах хорооны өргөтгөсөн хурал боллоо
Европын холбоо, ЕСБХБ-ны санхүүжилтээр манай аймагт хэрэгжиж буй “Эрдэнэт хотын гамшигт тэсвэртэй байдал төслийн” удирдах хорооны өргөтгөсөн хурал манай аймагт боллоо. Хурлаар Европын холбоо, ЕСБХБ-ны хоорондын төсөлд буцалтгүй тусламж олгох санхүүжилтээр хэрэгжиж буй төслийн үр дүн, одоогийн ажлын явцын талаар хэлэлцэв.
Хуралдаанд ЕСБХБ-ны Монгол дахь Суурин төлөөлөгч Жахан Шамсиев, Европын Холбооны Монгол дахь Төлөөлөгчийн газрын Нэгдүгээр нарийн бичгийн дарга Адриен Мург нарын тэргүүтэй албаныхан, аймгийн ЗДТГ-ын Хамтын ажиллагаа, гадаад, дотоодын төсөл хөтөлбөр хариуцсан удирдагч Б.Оюун-Эрдэнэ оролцлоо.
Тэрээр Орхон аймаг 21 аймгаас анх удаа гамшигт тэсвэртэй хотын загварыг хэрэгжүүлж байгаа бөгөөд энэхүү төсөл хэрэгжсэнээр үерийн эрсдэл хэд дахин буурч байна. Ингэснээр энэхүү төсөл нь зөвхөн дэд бүтцийн ажил бус хотын тогтвортой хөгжилд оруулж байгаа үнэлж баршгүй хөрөнгө оруулалт болсон гэдгийг онцлов.
Манай аймагт хэрэгжиж буй Эрдэнэт хотын гамшигт тэсвэртэй байдал төслийн хүрээнд нийт 8 байршилд 12,8 км урттай үерийн хамгаалалтын далан барина. Мөн 8 байршилд гэр хорооллын болон хотын ус хангамжийн 7, бохирын 1 нийт 6,2 км шугам хоолойг шинэчлэх юм. Төсөл энэ онд бүрэн хэрэгжиж дуусна.
Мэдээллийн төв
.jpg)
