Ирэх онд дөрвөн сургууль, гурван цэцэрлэг ашиглалтад орно
Ирэх онд Орхон аймагт дөрвөн сургууль, гурван цэцэрлэг шинээр ашиглалтад орно. Ингэснээр сургуулийн өмнөх болон ерөнхий боловсролын байгууллагын хүртээмж нэмэгдэж, хүүхдийн суралцах орчин нөхцөл сайжрах юм.
Тодруулбал, “Эрдэнэт үйлдвэр” ТӨҮГ-ын хөрөнгө оруулалтаар Зэст багийн “Уурхайчин” хороололд 280 хүүхдийн ортой цэцэрлэг, 640 хүүхдийн суудалтай сургууль баригдаж байна. Мөн улсын төсвийн хөрөнгө оруулалтаар 2А хороололд 150 хүүхдийн ортой цэцэрлэг, 2А болон 7А хороололд нийт 960 хүүхдийн багтаамжтай сургууль ашиглалтад орох юм. Үүнээс гадна орон нутгийн хөрөнгө оруулалтаар Найрамдал багт 280 хүүхдийн ортой цэцэрлэг, орон нутаг болон улсын төсвийн хөрөнгө оруулалтаар Рашаант багт 250 хүүхдийн багтаамжтай сургууль тус тус ашиглалтад орно.
Мэдээллийн төв
