Өнгөрсөн долоо хоногт 70353511 утсанд 46 өргөдөл, гомдол иржээ
Иргэдийн санал хүсэлтийг хүлээн авах 70353511 утсанд энэ сарын 10-наас 16-ны хооронд 47 өргөдөл, гомдол иржээ. Үүнээс утсаар 46, биечлэн 1, хүсэлт 46, гомдол 1 ирсэн байна. Өргөдөл, гомдлын шийдвэрлэлт 40 хувь, шийдвэрлэх шатандаа 60 хувьтай үргэлжилж байна.
Агуулгаар нь авч үзвэл халаалт, цэвэр, бохир ус, шугам хоолойтой өргөдөл, гомдол хамгийн их иржээ. Мөн нийтийн тээврийн үйлчилгээ, гэрэлтүүлэг, хог хаягдал, барилгын асуудал удаах хувийг эзэлж байна.
Иргэдээс хамгийн олон давтамжтай ирсэн асуудлын шийдвэрлэлтээс дурьдвал, “Баян-Өндөр мед” эмнэлгийн зүүн урд талын авто замд хурд сааруулагч хийж өгнө үү гэх өргөдлийн шийдвэрлэлт Хотын захирагчийн албанаас Хүрэнбулаг баг, Баян-Өндөр мед эмнэлгийн баруун урд хэсгийн авто замыг 2027 онд шинэчлэхээр санар хүргүүлсэн. Зураг төсөвт хурд сааруулагч хийхээр төлөвлөсөн гэх хариуг иргэнд өгчээ.
Мөн Авто тээврийн төвд Шанд чиглэлийн автобус цагийн хуваарийн дагуу явахгүй байгаа тул шалгаж өгнө үү гэх гомдлын шийдвэрлэлт Хотын доторх нийтийн тээврийн үйлчилгээний Шанд 15-дугаар сургууль-Халуун ус-Даниста-Есөн-Эрдэнэ чиглэлд 07.00-21.00 цагийн хооронд хуваарийн дагуу өдөр бүр 4 автобус үйлчилгээнд явж байна гэх хариуг иргэнд өгсөн байна.
Мэдээллийн төв
