Нийтийн эзэмшлийн 0.96 га зам, талбайг чөлөөлөв
Аж ахуйн нэгж байгууллагуудын эзэмшил талбайг зургийн дагуу танилцуулж, нийтийн эзэмшил талбайг хашаалсан бол чөлөөлөх арга хэмжээ авахыг Засаг дарга Б.Зоригтбаяр өнгөрсөн долоо хоногт үүрэг болгосон.
Газрын харилцаа, барилга хот байгуулалтын газраас газар эзэмших гэрээгээр хүлээсэн үүргээ биелүүлээгүй, гэрээний нөхцөлийг зөрчин нийтийн эзэмшлийн зам талбай, орц гарц хаасан нийт 14 иргэн, 16 аж ахуйн нэгж, байгууллагад зөрчлийг арилгах хугацаатай албан шаардлага хүргүүлсэн байна.
Энэ оны арваннэгдүгээр сарын 15-ны байдлаар дөрвөн иргэн, гурван аж ахуйн нэгж, байгууллагын 0.96 га нийтийн зам талбайг чөлөөлж, зөрчлийг арилгуулжээ. Цаашид газар эзэмших гэрээний биелэлтийг дүгнэж, зөрчлийг арилгахаар үе шаттай арга хэмжээ авна гэж мэдээллээ.
Мэдээллийн төв
