2024 оны 06-р сарын 24

Засаг даргын шуурхай зөвлөгөөн боллоо

Даваа гарагийн Засаг даргын шуурхай зөвлөгөөн боллоо. Шуурхай зөвлөгөөнийг аймгийн Засаг дарга М.Түмэнжаргал удирдан явуулав.
Шуурхай зөвлөгөөн эхэнд өнгөрсөн долоо хоногийн Шуурхай зөвлөгөөний үүрэг даалгаврын биелэлтийг ЗДТГ-ын Хяналт, шинжилгээний үнэлгээний хэлтсийн даргын албан үүргийг түр орлон гүйцэтгэгч Ж.Баасансүрэн танилцуулав.  Өнгөрсөн долоо хоногт  хэд хэдэн чиглэлийн үүрэг даалгаврыг холбогдох байгууллагуудын удирдлагуудад өгсөн. 

Үүнээс дурьдбал, Хотын захирагчийн албанд: авто зам сэтэлж байгаа аж ахуй нэгжүүдтэй хариуцлагын гэрээ хийж сэтлэх зөвшөөрөл өгч байх.
Биелэлт: иргэд, аж ахуйн нэгж, байгууллагуудаас авто зам сэтлэх зөвшөөрөл олгохдоо эрх бүхий байгууллагатай гэрээ байгуулж, гэрээг эх хувиар авч байна. Сэтэлсэн замыг нөхсөн компани авто замыг 3 жилдээ хариуцахаар гэрээнд өөрчлөлт оруулаад байна.

Цэцэрлэгжүүлэлт ногоон байгууламжийн газарт: А.Амарын талбайд авто машин тавьж байгаа хэсэгт ногоон байгууламж бүхий хаалт тавих.
Биелэлт: А.Амарын талбайд авто машин тавьж байгаа хэсэгт савтай цэцэг байрлуулах төлөвлөгөөний дагуу цэцгийн сат захиалсан. Энэ сард савтай цэцгийг хаалт хэлбэрээр байрлуулна. 

ЗДТГ-ын Санхүү төрийн сангийн хэлтэс, Хөгжлийн бодлого төлөвлөлт, хөрөнгө оруулалтын хэлтэст: Монгол улсын Засгийн газраас санаачлан хэрэгжүүлж буй Шинэ хоршоо хөдөлгөөний дагуу шинээр хоршоо байгуулсан малчдад зээлийг түргэн шуурхай олгох чиглэлд анхаарч арилжааны банкуудтай уулзалт зохион байгуулж малчдад  мэдээллийг хүргэх.
Биелэлт: “Шинэ хоршоо хөдөлгөөн”-ий  хүрээнд манай аймагт 21 хоршоо 181 гишүүнтэйгээр байгуулагдсан байна. Хоршооны зээлийг Хаан, Төрийн банкаар олгож байна. Зээл олголтын талаар аймгийн Засаг даргын орлогч банкны удирдлагуудтай уулзаж, санал солилцсон. Тавдугаар сарын 29-ний өдрийн байдлаар "Хан наран хулан" хоршоо 249.7 сая төгрөгийн санхүүжилт аваад байна. Арилжааны банкинд 6 хоршооны 2.3 тэрбум төгрөгийн зээл судлагдаж байна гэсэн биелэлтийг тус тус  ирүүлжээ.

Энэ долоо хоногт Засаг дарга М.Түмэнжаргал дараах үүрэг даалгаврыг өглөө. 
- Үзэгдэх орчин хязгаарлагдмал авто замын гарц орцын нэвтрэлтийг сайжруулж, хөдөлгөөний аюулгүй байдлыг хангах.
- Авто замын тэмдэг тэмдэглээгээг сайжруулах.
- Авто замын нөхөөс болон явган замын эвдрэлийн засварыг эрчимжүүлэх.
- Авто зам засвар, шинэчлэлийн ажил эхлэхтэй холбоотойгоор богино хугацаанд, чанартай хийж гүйцэтгэхэд анхаарах. 
- Хотын өнгө үзэмжид сөргөөр нөлөөлж буй хог хаягдал, эвдрэл, гэмтэл, гүйцэтгэгч байгууллагаас шалтгаалан дутуу хийгдсэн авто замын залгаа, нөхөөс зэргийг дахин засварлуулж сайжруулахыг холбогдох байгууллагуудын удирдлагуудад үүрэг болгов. 

Мэдээллийн төв 
 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  64280

Facebook

Цаг агаар

Вебийн статистик

Таны IP хаяг: 100.28.132.102
  • 1 Онлайн
  • 200 Өнөөдөр
  • 150 Өчигдөр
  • 200 Долоо хоногт
  • 8599 Сүүлийн сард
  • 6965594 Нийт хандалт