2024 оны 05-р сарын 27

Байгаль орчны мэргэжлийн байгууллагуудын нээлттэй хаалганы өдөрлөг болж байна 

Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөн, “Ногоон Эрдэнэт” хөтөлбөрийн хүрээнд бүх нийтээр мод тарих хаврын мод тарилтын ажил маргааш эхэлнэ. 
 Энэ өдрийг угтан  жил бүр  “ХҮН БҮР БАЙГАЛИА ХАМГААЛЪЯ” уриан дор зохион байгуулдаг Байгаль орчны мэргэжлийн байгууллагуудын нээлттэй хаалганы өдөрлөг, мод, бут, сөөгний үзэсгэлэн худалдаа А.Амарын талбайд болж байна.

Орхон аймаг сүүлийн 2 жилд 3.3сая ширхэг мод тарьж ургалтын дундаж  85 хувьд хүрчээ.  Энэ хэрээр нэг хүнд ногдох ногоон байгууламжийн хэмжээ 4.5 м.квадратаас 8,7м.квадрат болж нэмэгдээд байна. 

Өдөрлөгт Байгаль орчин, аялал жуулчлалын газар, Ус, цаг уур орчны шинжилгээний төв, Сэлэнгэ голын сав газрын захиргаа, Сум дундын ойн анги, Цэцэрлэгжүүлэлт ногоон байгууламжийн газар, байгаль орчныг хамгаалах, нөхөн сэргээх үйлсэд хувь нэмрээ оруулж буй томоохон үйлдвэр, аж ахуйн нэгж, байгууллагууд мөн мод үржүүлгийн чиглэлээр үйл ажиллагаа эрхэлдэг иргэд, нөхөрлөлүүдийн төлөөлөл оролцож байна. 

Энэ жилийн хаврын улирлын бүх нийтээр мод тарих өдрүүд ирэх сарын 9-10-нд тохиож байна.  “Тэрбум мод үндэсний хөдөлгөөн”, “Ногоон Эрдэнэт хөтөлбөр”-ийн хүрээнд манай аймаг 2030 он хүртэл нийт газар нутгийн 3 хувьтай тэнцэх хэмжээний газарт 10 сая ширхэг мод тарьж ойн зурвас, ойн төгөл, ойжуулалт, ойн нөхөн сэргээлт хийхээр төлөвлөсөн.
Энэ хаврын тухайд иргэд, ААНБ,  төрийн  байгууллагын оролцоотой Тарлан толгой, Сархиа уулын энгэр, Хүрэнбулагийн ам зэрэг  12 байршилд 43 мянга 700 ширхэг мод тарихаар төлөвлөж байна. 

Мэдээллийн төв 


 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  64266

Facebook

Цаг агаар

Вебийн статистик

Таны IP хаяг: 3.215.186.30
  • 5 Онлайн
  • 327 Өнөөдөр
  • 302 Өчигдөр
  • 4134 Долоо хоногт
  • 12238 Сүүлийн сард
  • 6947765 Нийт хандалт