Эрдэнэ баг Хүүхэд хөгжлийн төвтэй боллоо

Британийн Элчин сайдын яам, НҮБ-ын Хүүхдийн сангийн дэмжлэгтэйгээр байгаль орчинд ээлтэй цогц шийдлийг нэвтрүүлсэн “Бага насны хүүхэд хөгжлийн төв”-ийг Эрдэнэ багт нээлээ.
Багийн хуучин байрыг тохижуулж, хүүхэд хөгжлийн төв болгон зохицуулав.

Тус төвд эрчим хүчний хэмнэлттэй 25 кВт хүчин чадалтай агаарын дулааны насос, 20 кВт хүчин чадалтай нарны цахилгаан үүсгүүр суурилуулж, сэргээгдэх эрчим хүчийг өдөр тутмын хэрэглээнд нэвтрүүлснээрээ онцлог ажил болов. Мөн барилгын дулаан алдагдлыг 25 хувиар бууруулжээ. Үүнээс гадна ахуйн бохир усыг цэвэршүүлэх “Эколос” бохир ус цэвэрлэх байгууламжийн систем суурилуулсан байна.

Эрдэнэ, Чингэл багийн 0–12 насны 2000 гаруй хүүхэд, тэдний эцэг эх, асран хамгаалагчид өөрсдийн амьдарч буй орчиндоо хөгжлийг дэмжих сургалт, үйлчилгээг авах боломж бүрдэж байгаа юм.

Цаашид хүүхэд, гэр бүлд ээлтэй, ногоон, тогтвортой хөгжлийн төвүүдийг бусад алслагдсан багуудад үе шаттайгаар байгуулах зорилт тавьсан гэдгийг аймгийн Засаг дарга Б.Зоригтбаяр дуулгаж, энэхүү ажлыг амжилттай хэрэгжүүлэхэд мэргэжлийн зөвлөгөө, дэмжлэг үзүүлэн хамтран ажилласан Бритинийн Элчин сайдын яам, НҮБ-ын Хүүхдийн Сан (ЮНИСЕФ)-ийн хамт олонд талархал илэрхийллээ.

Мэдээллийн төв