Эрдэнэт хотын 50 жилийн ойн хүрээнд жилийн турш зохион байгуулах спортын тэмцээн уралдааны төлөвлөгөө гарлаа. Жилийн хугацаанд 25 тэмцээн уралдааныг зохион байгуулна. 
Улсын аварга шалгаруулах 14 төрлийн спортын тэмцээн уралдаан 2026 онд манай аймагт болно. Ингэхдээ Эрдэнэт хотоос төрөн гарсан спортын алдартнуудын нэрэмжит болгон зохион байгуулахаараа онцлог юм.  

Тодруулбал, 

• Монгол Улсын гавьяат дасгалжуулагч Д.Лхагваагийн нэрэмжит “Хийн буудлагын өсвөр үеийн багийн улсын аварга” шалгаруулах тэмцээн, Эрдэнэт хотын анхны дарга агсан С.Цэвээний нэрэмжит “Самбо бөхийн өсвөр үеийн улсын аварга” шалгаруулах тэмцээн, 
• Монгол Улсын хөдөлмөрийн баатар, Монголын Улсын гавьяат тамирчин, Олимп, дэлхийн аварга Э.Содномпэлжээгийн нэрэмжит “Пауэрлифтингийн насанд хүрэгчдийн улсын аварга”  шалгаруулах тэмцээн, 
• Шатрын өсвөрийн дэлхийн аварга шалгаруулах тэмцээний мөнгөн медальт Б.Мөнгөнзулын нэрэмжит  “Шатрын хүүхэд, насанд хүрэгчдийн нээлттэй улсын аварга шалгаруулах тэмцээн тус тус болно. 

Мөн хоёр жилд нэг удаа зохион байгуулдаг аймгийн Засаг даргын нэрэмжит "Монгол Улсын Заан цолтнуудад хүндэтгэл үзүүлэх барилдаан"   ирэх дөрөвдүгээр сарын 11-нд Монгол бөхийн өргөөнд болно. 

Зохион байгуулах тэмцээн уралдааны мэдээллийг хүргэе. 

1.    “Эрдэнэт мөнгөн өвөл 2026”  /нэгдүгээр сарын 9-15/
2.  “Өвлийн спортын клубүүдийн аварга” шалгаруулах тэмцээн /нэгдүгээр сарын 19-21/
3.   Монгол Улсын гавьяат дасгалжуулагч Д.Лхагваагийн нэрэмжит “Хийн буудлагын өсвөр үеийн багийн улсын аварга шалгаруулах тэмцээн” /хоёрдугаар сарын 26-28/
4.     Эрдэнэт хотын анхны дарга агсан С.Цэвээний нэрэмжит “Самбо бөхийн өсвөр үеийн улсын аварга”  шалгаруулах тэмцээн  /гуравдугаар сарын 20-22/
5.  Орхон аймгийн Засаг даргын нэрэмжит "Монгол Улсын Заан цолтнуудад хүндэтгэл үзүүлэх барилдаан"   /дөрөвдүгээр сарын 11/
6.    Монгол Улсын Хөдөлмөрийн баатар, Монголын Улсын гавьяат тамирчин, Олимп, дэлхийн аварга Э.Содномпэлжээгийн нэрэмжит “Пауэрлифтингийн насанд хүрэгчдийн улсын аварга” шалгаруулах тэмцээн /тавдугаар сарын 2-3/ 
7.   Шатрын өсвөрийн дэлхийн аварга шалгаруулах тэмцээний мөнгөн медальт Б.Мөнгөнзулын нэрэмжит  “Шатрын хүүхэд, насанд хүрэгчдийн нээлттэй улсын аварга” шалгаруулах тэмцээн  /зургаадугаар  сарын 22-24/ 
8.   Олон улсын хэмжээний мастер агсан Ч.Баярмагнайгийн  нэрэмжит  Мотоцикл/мото кросс/-ийн бартаат замын  улсын аварга шалгаруулах тэмцээн /долоодугаар сарын 24-26/
9.    Монгол Улсын хөдөлмөрийн баатар, Монголыг олимпын хорооны анхны ерөнхийлөгч агсан Ш.Отгонбилэгийн нэрэмжит чөлөөт бөхийн өсвөр үеийн олон хотын  аварга шалгаруулах тэмцээн /аравдугаар  сарын 2-4/ 
10.   "М-1 CUP 2026 “ Хэт бартаат замын тэмцээн  /наймдугаар сарын 21-23/ 
11.   Монголын Улсын гавьяат тамирчин, Олимпын хүрэл медальт Д.Нармандахын нэрэмжит “Жүдо бөхийн өсвөр үеийн олон хотын аварга” шалгаруулах тэмцээн /зургаадугаар сарын 12-14/
12.   Монголын улсад Бадминтоны спортыг үүсгэн байгуулагч Биеийн тамир, спортын газрын дарга агсан  волейболын спортын мастер Н.Зулбаатарын нэрэмжит  “Бадминтоны өсвөр үеийн багийн улсын аварга”  шалгаруулах тэмцээн  /арваннэгдүгээр сарын 27-29/
13.    “Таеквондогийн өсвөр үе залуучуудын улсын аварга”  шалгаруулах тэмцээн  /дөрөвдүгээр сарын 12-14/
14.     “Өсвөр үе, залуучуудын засмал замын дугуй спортын улсын аварга” шалгаруулах тэмцээн  /долоодугаар сарын 4-5/
15.   “Үндэсний бөхийн өсвөр үеийн багийн Улсын аварга” шалгаруулах /гуравдугаар сарын 15-18/
16.   “Сагсан бөмбөгийн U11 насны улсын аварга” шалгаруулах тэмцээн  /есдүгээр сарын 7-14/ 
17.     Наурызын баярт зориулсан арга хэмжээ  /гуравдугаар сарын 22/ 
18.    Насанд хүрэгчид, залуучуудын волейболын аймгийн аварга шалгаруулах тэмцээн /дөрөвдүгээр  сарын 3-5/
19.   Хоккейн ахмадын улсын аварга шалгаруулах тэмцээн  /нэгдүгээр сарын 29-31/ 
20.    Хөл бөмбөгийн насанд хүрэгчдийн улсын аварга шалгаруулах тэмцээн /тавдугаар сарын 14-18/ 
21.   “Усанд сэлэлтийн залуучуудын улсын аварга” шалгаруулах тэмцээн  /дөрөвдүгээр сарын 9-12/
22.    Сар шинийн барилдаан  /хоёрдугаар сарын 13 
23.     Тэмдэглэлт өдрүүдэд зохион байгуулагдах үндэсний бөхийн барилдаан  /гуравдугаар сарын 18, арваннэгдүгээр сарын 26, арванхоёрдугаар сарын 11/
24.    Эрдэнэт марафон 
25.  Аймгийн аварга шалгаруулах өсвөр, үе залуучуудын уралдаан тэмцээн 

Мэдээллийн төв