Энэ онд хийгдэх 205 бүтээн байгуулалтын ажлаас 146 нь дуусаад байна
2025 онд аймаг, сумын хөрөнгө оруулалтаар 205 бүтээн байгуулалтын ажил хийгдэж байна. Үүнээс 146 ажил бүрэн дуусжээ. Энэ нь нийт хөрөнгө оруулалт бүтээн байгуулалтын ажлын 71,2 хувийг эзэлж байна. Аймгийн хөрөнгө оруулалтаар 122 ажил, Баян-Өндөр сумын ОНХС-ийн хөрөнгө оруулалтаар 60 ажил, Жаргалант сумын ОНХС-ийн хөрөнгө оруулалтаар 23 ажил хийгдэж байна.
Хөрөнгө оруулалт, бүтээн байгуулалтын ажлуудаас 50 хувиас дээш хувийн гүйцэтгэлтэй 41 ажил, 50 хүртэлх хувийн гүйцэтгэлтэй 12 ажил, үе шатны хуваариар ажил эхлээгүй байгаа 4 ажил, гэрээ цуцлагдсан 2 ажил байна.
Тухайлбал, барилга засварын 26 ажлаас 24 нь дууссан, цахилгаан хангамж гэрэлтүүлгийн 76 ажлаас 56 нь дуусжээ. Инженерийн шугам сүлжээний 32 ажил гүйцэтгэхээс бүрэн дууссан 12, 50-иас хувийн гүйцэтгэлтэй 3, үе шатны хувиараар 2 ажил үргэлжилж буй.
Мөн авто замын 39 ажил хийгдэж байгаагаас 29 байршилд ажил дуусаж, 50-иас дээш хувийн гүйцэтгэлтэй 8, 50 хүртэлх хувийн гүйцэтгэлтэй 4, гэрээ цуцалсан 2 ажил байна.
Энэ онд аймгийн хэмжээнд 30 байршилд амралт чөлөөт цагийн талбай байгуулахаас 28 нь бүрэн дуусаж, 1 ажил 50-иас дээш хувийн гүйцэтгэлтэй, 1 ажил үе шатны хувиараар хийгдэж байна.
Мэдээллийн төв
