Өнөөдрийн Засаг даргын шуурхай зөвлөгөөнийг Хамтын ажиллагаа, гадаад, дотоодын төсөл хөтөлбөр хариуцсан удирдагч Б.Оюун-Эрдэнэ удирдан явууллаа. Шуурхай зөвлөгөөнөөр ажлын хэсгүүдийн үйл ажиллагааны явц, үр дүн, тайланг сонсож буй. Өнөөдөр хоёр ажлын хэсгийн тайлан, мэдээллийг сонслоо.

“Ухаалаг хот”  төслийн хүрээнд аймгийн хэмжээнд ашиглагдаж буй ус дулаан дамжуулах, түгээх зориулалт бүхий барилга байгууламж, шугам сүлжээгээр дамжин хэрэглэгчдэд хүрч буй усны хэрэглээний үр ашигтай байдлыг нэмэгдүүлэх, ухаалаг систем нэвтрүүлэх чиглэлээр судалгаа хийх ажлын хэсэг байгуулагдсан.  Ажлын хэсгийн ахлагчаар Засаг даргын орлогч Б.Мөнхдалай ажиллаж байна. Тус ажлын хэсэг эхний ээлжинд ухаалаг тоолуурыг Эрдэнэт хотын хэмжээнд нэвтрүүлэх талаар судалгаа хийснээ танилцууллаа.  Эрдэнэт хотын 16280 айл өрхийн 49600ш механик тоолуурыг ухаалаг тоолуураар сольсноор усны хэрэглээ илүү үр ашигтай болно гэж үзэж буй. 

Судалгаагаар усны ухаалаг тоолуурыг дэмждэг Lorovan системийг аймгийн хэмжээнд 33 байршилд нэвтрүүлэх шаардлагатай гэж үзжээ. Энгийнээр тайлбарлабал, Lorovan систем нь wifi шиг нам давтамжаар сүлжээ цацдаг  төхөөрөмж юм.  Тус сүлжээг дэмждэг ухаалаг усны тоолуурыг нэвтрүүлснээр усны гоожилтыг бодит цагт илрүүлж, хэрэглэгчдэд мэдэгдэх боломжтой гэнэ.  Энэ нь усны алдагдлыг  бууруулж, айл өрхийн усны төлбөрийг хэмнэх,  иргэн усныхаа хэрэглээг алсаас хянах, хэрэглээнийхээ өгөгдлийг утасгүйгээр илгээж, хэрэглэгчдэд илүү зөв төлбөр илгээх гэхчлэн  олон талын ач холбогдол, үр дүнтэйг хэлж байна. 

Мөн цаашлаад  уг системийг замын хөдөлгөөн, авто зогсоол, хог хаягдлын менежментийг сайжруулах, гэрэлтүүлэг, байгаль орчны хяналт буюу агаарын чанар, үер, аюулгүй байдалд нэвтрүүлж ашиглах боломжтой талаар танилцууллаа. 

11-р хорооллын иргэдийн санал, хүсэлтээр байгуулагдсан ажлын хэсгийн тухай...

Орон сууцны  11-р хорооллын оршин суугчдаас цахилгаан, халаалт, цэвэр, бохир ус, холбооны   шугамууд шаардлага хангахгүй байгаа тухай санал, гомдлыг гаргасан. Иргэдийн асуудлыг шийдвэрлэх зорилгоор аймгийн Засаг даргын 2025 оны 05-р сарын 13-ны өдрийн  А/403 тоот захирамжаар  газар дээр нь нарийвчилсан  үзлэг хийж,  санал танилцуулах 14 хүний бүрэлдэхүүнтэй   ажлын хэсгийг байгуулсан.  

Уг ажлын хэсгийн хүрээнд 11-р хорооллын  холбооны шугам сүлжээг цэгцлэх ажлыг ”Мэдээлэл холбоо сүлжээ” ТӨХК-иас    Сөүл кастле хотхоноос Мажаа эмнэлэгийн авто зам дагуух хэрэглэгчгүй  сүлжээний 1579м кабелийг буулгаж цэгцлэн, унжилттай 7 багана 450м кабелийг чангалж багцлах ажлыг хийж гүйцэтгэжээ. 

11-р хорооллын  А хэсэг нь УДХТ-4-15, УДХТ-4-14 гэсэн 2 УДХТ-өөс хангагддаг.  УДХТ-4-15-аас нийтийн орон сууц-4, хувийн орон сууц-35,  ААН-10 тэжээгддэг.   Цаашид холболт хийх 25 хэрэглэгчийн газар олголт байна. Харин УДХТ-4-14-өөс   нийтийн орон сууц-6, хувийн орон сууц-60, ААН-18 тэжээгддэг. 
Цаашид холболт хийх 61-н хэрэглэгчийн газар олголт байна. 2021 оны төлөвлөлтийн зургын дагуу 11-А хэсгийг УДХТ-4-15-аас хангахаар зураг гарсан. Ариутгах татуургын шугам байхгүй, шугамын төлөвлөлт байхгүй.

11б хэсэг  нь  УДХТ-4-16-аас холболт хийсэн нийтийн орон сууц-2, хувийн орон сууц-93, ААН-1 байна. Цаашид холболт хийх 59-н газар олголт байна.
Тус хэсэгт шинээр холболт хийх айл өрхүүдэд дулаан, хэрэглээний халуун хүйтэн ус, ариутгах татааргын нэгдсэн төлөвлөлтийн зураг гаргаж зургийн дагуу шугам сүлжээг татах.Ариутгах татуургын шугам байхгүй, шугамын төлөвлөлт байхгүй. 

11в хэсгийн   одоо байгаа нь нийтийн орон сууц-9, хувийн орон сууц-31, ААН-6 байна. Цаашид холболт хийх 28 газар олголт байна. Ариутгах татуургын шугам байхгүй, шугамын төлөвлөлт байхгүй. Цаашид холболт хийх 28 газар олголт байна Ариутгах татуургын шугам байхгүй, шугамын төлөвлөлт байхгүй

11 г  хэсэг нь УДХТ-4-11, УДХТ-меттле таун гэсэн 2 УДХТ-өөс тэжээгддэг. Хувийн орон сууц-40,  ААН-8 байна. Цаашид холболт хийх 30 орчим газар олголт байна.
УДХТ-меттле таун-аас холболт хийсэн Эийтийн орон сууц-1, хувийн орон сууц-4 байна.
Цаашид холболт хийх 42 газар олголт байна. Нэгдсэн төлөвлөлтийн зураггүй тул төлөвлөлтийн зураг хийлгэж зургын дагуу шугам сүлжээг орон нутгийн хөрөнгөөр татах шаардлагатай. 
2024 оны халаалтын улиралд доголдол гаргасан 11-р хорооллын амины орон сууцтай 43 өрхөд дулаан эрчим хүч хэрэглэх дүрмийн дагуу 2025 оны 08 дугаар сарын 01-ний дотор шугам сүлжээг засварлах талаар хугацаатай мэдэгдлийг хүргүүлсэн ч өнөөдрийн байдлаар халаалтын шугамаа өөрчилсөн айл өрх байхгүй ажил удаашралтай байна гэж мэдээллээ. 
Дээрх мэдэгдлийн дагуу арга хэмжээ аваагүй  тохиолдолд  “ЭУДТС” ОНӨХК  цахилгаан, дулаан, халуун, хүйтэн усаар хангахгүй хязгаарлах юм байна.

Мэдээллийн төв