1212 хүн Орхон аймагт шилжин ирж суурьшжээ
Аймгийн нийгэм, эдийн засгийн байдлын 2025 оны эхний хагас жилийн дүн гарлаа. Хүн амын шилжилт хөдөлгөөнийг авч үзвэл тайлант хугацаанд 1212 хүн Орхон аймагт шилжин ирсэн байна. Энэ нь өмнөх оны мөн үеэс 31.4 хувиар буурсан үзүүлэлт аж.
Улаанбаатар хотоос хамгийн их нь буюу 400, Булган аймгаас 265, Сэлэнгэ аймгаас 49, Хөвсгөл аймгаас 79, Дархан-Уул аймгаас 43 иргэн ирж суурьшсан байна. Өмнөх оны мөн үед 1768, 2023 оны мөн үед 1036 иргэн Орхон аймаг, Эрдэнэт хотод шилжин ирж суурьшиж байжээ.
Мэдээллийн төв
