Энэ сарын 8,9-нд бүх нийтээр мод тарина

Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөн, “Ногоон Эрдэнэт” хөтөлбөрийн хүрээнд бүх нийтээр мод тарих хаврын мод тарилтын өдрүүд энэ сарын 8,9-нд тохионо.
Жил бүр “ХҮН БҮР БАЙГАЛИА ХАМГААЛЪЯ” уриан дор зохион байгуулдаг энэ өдөр аймгийн хэмжээнд 12 байршилд төрийн байгууллага, иргэн, ААНБ-ууд хамтран мод тарих юм.
Аймгийн Байгаль орчны газраас Хүрэнбулагийн ам, Баян-Овоот, Гэр бүлийн төгөл, Цагаанчулуутын ам, Тарлан толгой, Эрдэнэт голын зах дагуу зэрэг мод тарих 12 байршлыг тодорхой болгожээ.
“Тэрбум мод үндэсний хөдөлгөөн”, “Ногоон Эрдэнэт хөтөлбөр”-ийн хүрээнд манай аймаг 2030 он хүртэл нийт газар нутгийн 3 хувьтай тэнцэх хэмжээний газарт 10 сая ширхэг мод тарьж ойн зурвас, ойн төгөл, ойжуулалт, ойн нөхөн сэргээлт хийхээр төлөвлөсөн.

Мөн энэ сарын 5-наас А.Амарын талбайд тарьц суулгацын үзэсгэлэн худалдаа гарна.

Мэдээллийн төв