2а хорооллын авто замын ажил энэ сарын 15-наас эхэлнэ
Өнгөрсөн долоо хоногт авто зам засварын ажлыг эрт эхлүүлэх, хугацаандаа дуусгах чиглэлд онцгой анхаарч ажиллах үүрэг даалгаврыг холбогдох байгууллагуудад өгсөн.
Өнөөдрийн байдлаар Говил багийн 48 дугаар байрны авто замын ажил, 27-р цэцэрлэгээс 16-р сургуулийн тойрог хүртэлх авто замын ажил тус тус эхэлсэн байна.
Мөн улсын чанартай А1002 авто замын өргөтгөл шинэчлэлтийн ажлын гүйцэтгэгчээр ажиллаж байгаа "Шилдэг Зам" ХХК, "Жавхлан харгуй" ХХК, "Ингүүмэл зам" ХХК-иуд ажил эхлүүлэх зөвшөөрөл авах хүсэлтээ ирүүлж, “Жавхлан харгуй" ХХК, "Ингүүмэл зам" ХХК-иуд зөвшөөрлөө авчээ.
2А хорооллын босоо тэнхлэгийн 440м урт авто замын ажлын гүйцэтгэгчээр "Хүчит зам" ХХК шалгарч энэ сарын 15-наас ажлаа эхлүүлэхээр Улаанбаатар хотоос техник тоног төхөөрөмж, ажилчдын байрлах байр зэргийг байрлуулаад байна.
1А хорооллын авто замын ажлыг хотын ерөнхий төлөвлөгөөний трассын дагуу хийгдсэн 6.9км урт авто замын ажлын зургаар 2019 онд "Өлзий хутгийн наран" ХХК,” Эрдэнэт үйлдвэр” ТӨҮГ-ын 5.9 тэрбум төгрөгийн хөрөнгө оруулалтаар эхлүүлсэн. 2021 оноос хойш хөрөнгө шийдэгдээгүйн улмаас зогссон бөгөөд одоогийн байдлаар шороон далангийн ажил 30 хувьтай байна.
Мэдээллийн төв
