ЗӨВЛӨМЖ: Бага насны хүүхдийг бүү үнс

Үндэсний уламжлалт сар шинийн баярын үеэр төрөл бүрийн хордлого, ялангуяа хоолны хордлого, архины хордлого, гэдэсний халдварт өвчин, осол гэмтэл, осголт, хөлдөлт болон томуу, томуу төст өвчин нэмэгдэх хандлагатай байдаг. БОЭТ, ЭМГ-аас сар шинээр анхаарах дараахь зөвлөгөө, мэдээллийг өглөө.

Хаврын улиралд тэр тусмаа гуравдугаар сард халдварт өвчний тохиолдлууд нэмэгддэг. Улсын мэдээгээр сүүлийн долоо хоногт салхин цэцэг, улаан бурхан, томуугийн халдвар, менинккокийн халдвар нэмэгдэх ханлагатай, дөрвөн тохиолдол батлагдсан талаар ХӨСҮТ-өөс мэдээлсэн.

Улаанбурхан нь амьсгалын тогтолцоонд нөлөөлдөг вирусийн халдвар юм. Халдвартай салиа, шүлстэй харьцах замаар дамждаг. Халдвар авсан хүн ханиалгах, найтаах замаар агаар мандалд халдвар тарааж болно. Улаанбурханы вирус нь гадаргуу дээр хэдэн цагийн турш амьдрах чадвартай. Халдвар авсан тоосонцор агаарт нэвтэрч, гадаргуу дээр тогтох үед ойр орчмын хүн бүр халдвар авч болно. Халдвартай хүний аяганаас уух эсвэл өвчтэй хүнтэй хамт хооллох сав суулга нь халдвар авах эрсдэлийг нэмэгдүүлдэг.

Насанд хүрэгчдийн амны хөндийд 700 гаруй нян бактери агуулагддаг гэж үздэг. Сар шинийн өдрүүдэд бага насны хүүхдийг үнсэхгүй байх нь зүйтэй.

Дархлаажуулалтад хамрагдаагүй өмнө нь улаанбурхан өвчнөөр өвдөөгүй бүх насныхан өвдөх эрсдэлтэйг мөн анхаарууллаа.

Сар шинийн баярын өдрүүдэд БОЭТ-ийн төв хүлээн авах, хүүхдийн хүлээн авах, халдварт, төрөх эмэгтэйчүүдийн хүлээн авах 24 цагаар ажиллана. Бүх тасгуудад мэргэжлийн эмч, эмнэлгийн жижүүрийн үүрэг гүйцэтгэнэ.

Зөвлөмж:

Согтууруулах ундааны хэрэглээнд онцгой анхаарах. Хэтрүүлэн хэрэглэсэн нэгнээ гэрт нь заавал хүргэж өгөх.
Гудамж талбайд ухаангүй унасан, биеэ авч явах чадваргүй болсон иргэнийг яаралтай түргэн тусламж эсвэл цагдаагийн 102,103 дугаар дугааруудад мэдэгдэх.
Аливаа нэгэн баяр ёслолын дараа нойр булчирхайн өвчлөл ихэсдэг. Нойр булчирхайн архаг үрэвсэл сэдэрдэг учраас хэт өндөр илчлэгтэй хоол унд нэг дор идэхээс татгалзах.
Халуун хоолыг хүйтэн уух зүйлтэй хамт хэрэглэхгүй байх.
Бохир гараар дамжих гэдэсний халдварт өвчнөөс сэргийлэхийг тус тус зөвлөлөө.

Мэдээллийн төв