Төрийн албаны ерөнхий шалгалтын IV улирлын бүртгэл үргэлжилж байна
Төрийн албаны ерөнхий шалгалтыг улиралд нэгээс доошгүй удаа зохион байгуулахаар хуульчилсан. Энэ дагуу 2024 онд авах дөрвөн удаагийн шалгалтын хуваарийг 2023 онд баталсан. Хуваарийн дагуу 2024 оны IV улирлын шалгалтын цахим бүртгэлийг аравдугаар сарын 23-ны өдрийн 09.00 цагаас эхэлсэн.
Бүртгэлийг арваннэгдүгээр сарын 7-ны өдрийн 09.00 цаг хүртэл https://exam.csc.gov.mn/ цахим хуудсаар дамжуулан зохион байгуулна. Түүнчлэн Төрийн албаны зөвлөлөөс төрийн албаны ерөнхий шалгалтад оролцогчдод зориулсан 2024 оны “Төрийн албаны ерөнхий шалгалтын сорил, даалгавар” цахим ном, “E-taz” гар утасны аппликейшныг шинэчлэн гаргажээ.
Цаашид төрийн албанд ажиллах хүсэлтэй нийт иргэдийг төрийн албаны ерөнхий шалгалтын бүртгэлээ баталгаажуулж амжилттай оролцохыг урьж байна.
Мэдээллийн төв
