Өвөлжилт, хаваржилт хүндэрвэл нэмэлтээр өвс, тэжээл бэлтгэнэ

Монгол Улсын Засгийн газрын 2024 оны 28 дугаар тогтоолын хүрээнд аймаг, сумдын өвс, тэжээлийн аюулгүйн нөөцөд аймгийн хэмжээнд 130 тн өвс, 85 тн тэжээл бэлтгэхээс 160 тн өвс, 75 тн тэжээл бэлтгэсэн. Үүнээс, аймгийн аюулгүйн нөөцөд 60 тн өвс, 25 тн тэжээл, Баян-Өндөр сумын аюулгүйн нөөцөд 50 тн өвс,20 тн тэжээл, Жаргалант сумын аюулгүйн нөөцөд 50 тн өвс, 30 тн тэжээлийг тус тус бэлтгээд байна.

Нөөцөд бэлтгэсэн өвс нь хонин толгойд шилжүүлснээр нийт мал сүргийн 28,5 хувь буюу 133 мянган толгой малыг нэг өдөр тэжээх өвс юм. Цаашид өвөлжилт, хаваржилт хүндэрвэл нэмэлтээр өвс, тэжээл бэлтгэхээр төлөвлөж байна.

Мэдээллийн төв