Энэ жил аймаг, сумдын аюулгүйн нөөцөд 130тн өвс, 85тн тэжээл бэлтгэнэ
Даваа гарагийн Засаг даргын шуурхай зөвлөгөөнөөр Хүнс, хөдөө аж ахуйн газрын цаг үеийн ажлын мэдээллийг сонслоо. Энэ жил малчдын төвшинд 11500тн байгалийн хадлан бэлтгэхээс 30 хувь буюу 3500тн-ийг өөрийн аймгийн нутаг дэвсгэрээс, 8000тн өвсийг зэргэлдээ аймаг, сумын нутаг дэвсгэрээс бэлтгэж буй аж.
Засгийн газрын 2024 оны 28 дугаар тогтоолоор аймаг, сумдын аюулгүйн нөөцөд нийт 130тн өвс, 85тн тэжээл бэлтгэнэ. Аймгийн аюулгүйн нөөцөд 30тн өвс, 25тн тэжээл бэлтгэнэ. Өнөөдрөөс аймгийн аюулгүй нөөцийн өвс тэжээлийг буулгаж эхэлжээ. Харин Баян-Өндөр,Жаргалант сум тус бүр бэлтгэх 50тн өвс, 30 тн тэжээлээ аравдугаар сарын 10-ны дотор аюулгүйн нөөцдөө бүрдүүлэх шаардлагатайг Хүнс, хөдөө аж ахуйн газраас санууллаа.
Засаг дарга М.Түмэнжаргал “Энэ өвөл өнгөрсөн өвлийнхөөс дутахгүй цас ихтэй, хаваржилт хүндэрч болзошгүй гэсэн цаг агаарын урьдчилсан прогноз байгаа. Аймгийн Онцгой комиссоос аюулгүйн нөөцөд бэлтгэх өвс,тэжээлийг нэмэгдүүлэхэд шаардлагатай хөрөнгийг шийдвэрлэсэн. Хугацаандаа бэлтгэхийг сумдын холбогдох албаныханд санууллаа.
Урьдчилсан байдлаар энэ өвөл аймгийн хэмжээнд 48.4 мянган толгой малыг эдийн засагт оруулж, 176.1 мянган толгой малыг өвөлжиж, хаваржуулах аж. 39.3 мянган га бэлчээрийн талбай байгаагийн 1400 га нь хадлангийн талбай байна. Энэ жил нийт нутгаар хур тунадас ахиу орсон нь бэлчээрийн ургамлын ургалтад сайнаар нөлөөлж, бэлчээрийн га-ын ургац 8.3 цн/га буюу өмнөх оноос 1.7 цн/га нэмэгджээ.
Мөн 97 малчин өрх өвөлжөө, хаваржааны бууцны хөл газарт ногоон тэжээл тариалж, нийт 42,5 га талбайгаас 170ттн ногоон тэжээл хураан авч өвлийн бэлтгэлээ базаагаад буй аж.
Мэдээллийн төв
