Ачит Ихт ХХК V сургуульд химийн кабинет тохижуулж, хүлээлгэн өглөө
Аймгийн Засаг даргатай байгуулсан хамтын ажиллагааны гэрээний хүрээнд “Ачит Ихт” ХХК нь ерөнхий боловсролын 5 дугаар сургуульд химийн лаборатори кабинетийг 85 сая төгрөгийн үнэ бүхий иж бүрэн тоног төхөөрөмжөөр тохижуулж, өнөөдөр хүлээлгэн өглөө.
Энэ удаагийнх хамтын ажиллагааны хүрээнд тохижуулж буй 6 дахь химийн кабинет юм. Уул уурхайн салбарт ажиллах боловсон хүчинд нэн шаардлагатай химийн шинжлэх ухааны мэдлэгийг нэмэгдүүлэх, чадварлаг инженерүүдийг бэлтгэх зорилгоор энэхүү ажлыг хамтын ажиллагааны хүрээнд зургаан жилийн турш хийсээр ирсэн билээ.
Орхон аймаг тус компанитай 2021-2024 онд хамтран ажиллах гэрээг байгуулсан бөгөөд гэрээний дагуу энэ оны хамтын ажиллагааны төлөвлөгөөг баталж, 10 арга хэмжээг хэрэгжүүлэхээр тусгасан. “Ачит-Ихт” ХХК нь 2017 оноос хойш орон нутгийн захиргааны байгууллагатай хамтын ажиллагааны гэрээ байгуулж, эрүүл мэнд, боловсрол гээд нийгмийн салбарт хувь нэмрээ оруулж ирсэн билээ.
Мэдээллийн төв
