2024 оны 04-р сарын 16

Автотээврийн хэрэгслийн даацат хяналт, шалгалт хийж байна 

Улсын болон орон нутгийн чанартай авто замын хөдөлгөөнд оролцож буй автотээврийн хэрэгслийн даацад хяналт, шалгалт хийх ажил үргэлжилж байна.  Зам тээврийн хөгжлийн яамны сайдын тушаалаар өнгөрсөн сарын 20-ноос энэ сарын 20 хүртэл нэг сарын хугацаанд автотээврийн хэрэгслийн байдалд тавих ерөнхий шаардлага MNS 4598:2020 стандартад заасан автотээврийн хэрэгслийн бүх жингийн зөвшөөрөгдөх дээд хэмжээнээс хэтэрсэн ЗАДРАХ БОЛОМЖГҮЙ АЧАА тээвэрлэлтийг зогсоосон. 

    Аймгийн хэмжээнд өнгөрсөн сарын 22-ноос  69  тээврийн хэрэгсэлд хяналт, шалгалт хийснээс 32 нь даат хэтрүүлсэн зөрчилтэй байсан талаар Авто замын хяналтын улсын байцаагч Ш.Сүнжидмаа хэллээ.   Мөн тэрээр, 2024 оноос өмнө авто замын даац хэтрэлтийг хянаж, шалгах боломжгүй байсан.  Өнгөрсөн онд орон нутгийн төсвөөс  даац хэмжигч “пүү” авсан нь зөв ажил болсон гэдгийг онцлов. 

Стандартад зааснаар хоёр тэнхлэгтэй тээврийн хэрэгсэл 18 тонн, гурван тэнхлэгтэй тээврийн хэрэгсэл 25 тонн, дөрвөн тэнхлэгтэй тээврийн хэрэгсэл 32 тонн, таван тэнхлэгтэй тээврийн хэрэгсэл 38 тонн, зургаан тэнхлэгтэй тээврийн хэрэгсэл 44 тонн ачаа тээвэрлэх ёстой. 

    Зөрчил гаргасан иргэн, ААНБ-ыг Автотээврийн болон Зөрчлийн тухай хуулийн хүрээнд арга хэмжээ авч байгаа аж. Мөн даац хэтрүүлсэн тээврийн хэрэгслийн ачааг өөр тээврийн хэрэгсэлд шилжүүлж,  зөвшөөрөгдсөн даацаар цааш хөдөлгөөнд оролцуулах зэрэг арга хэмжээг авч  байна. 

Дулааны улирал эхэлснээр  газрын хөрс, замын далангийн өнгөн хэсэг гэсдэг. Үүнээс улбаалан авто замд ус чийг ихээр хуримтлагдаж, тээврийн хэрэгслүүд даац хэтрүүлсний улмаас авто замд эвдрэл үүсэх томоохон шалтгаан болдог ажээ. 

Уг шалгалтыг Орхон аймгийн Засаг даргын тамгын газар хууль зүйн хэлтэс, Замын  цагдаагийн газар , Автотээврийн үндэсний төв  "Орхон Азза" ХХК хамтран хяналт, шалгалт хийж байна.

 Иймд дээрх хугацаанд аж ахуйн нэгж, иргэд Та бүхнийг улсын болон орон нутгийн чанартай авто замаар даац хэтрүүлэн тээвэр хийхгүй байхыг санууллаа.

Мэдээллийн төв 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  64246

Facebook

Цаг агаар

Вебийн статистик

Таны IP хаяг: 44.197.231.211
  • 9 Онлайн
  • 131 Өнөөдөр
  • 519 Өчигдөр
  • 650 Долоо хоногт
  • 14311 Сүүлийн сард
  • 6929523 Нийт хандалт