2024 оны 04-р сарын 16

Уурхайчин багт 16 давхар 168 айлын орон сууц барих “E kannam” төслийн нээлт боллоо

          Уурхайчин баг, Тамир зочид буудлын урд 1,3га талбайд  орон сууц барих “E kannam” төслийн нээлт, шавь тавих ёслол өнөөдөр боллоо. 
Орхон аймаг 2021 оноос эхлэн хот, суурин газрыг дахин хөгжүүлэх үйл ажиллагааны хүрээнд хот, суурин газрын барилгажсан хэсэг, нийтийн эдэлбэрийн газрыг дахин төлөвлөн байгуулах, ашиглалтын шаардлага хангахгүй барилга байгууламжийг буулган шинээр барих, гэр хорооллын газрыг дахин зохион байгуулах, дахин төлөвлөн барилгажуулах ажлыг эхлүүлсэн. Үүний нэг нь Уурхайчин багийн Тамир зочид буудлын урд байрлах 118 айлын граж байсан нийт 1,3га талбай юм. Хуулийн хүрээнд газар чөлөөлөх ажил 2021 оноос эхэлж, граж эзэмшигч 62 иргэнээс 51 иргэн төслийн талаар санал хураалтад оролцож, 85,9 хувийн саналаар төслийг дэмжиж байсан юм. 
         Барилгын ажлыг энэ сарын дөрвөнд эхлэхээр төлөвлөсөн бөгөөд 2025 оны 3-р улиралд ашиглалтад оруулах ажээ. Тус газарт нийт  3 блок 16 давхар 168 айлын орон сууцны барилга баригдах бөгөөд 2 давхар авто машины зогсоолтой, худалдаа үйлчилгээ, оффиссын зориулалттай заал танхимтай,  орчин үеийн архитекторын шийдэл бүхий орон сууц барихаар төлөвлөсөн.  Төслийн гүйцэтгэгчээр “Таван хан энержи” ХХК болон “BK Монголиа” ХХК хамтран хэрэгжүүлэх бөгөөд төслийн хөрөнгө оруулагчаар “BK Холдингс” ажиллаж байна. 
        Байгальд ээлтэй, ногоон хотхон болгохын тулд БНСУ-ын дэвшилтэд технологи, барилгын материалыг  ашиглаж, хүний эрүүл мэндийг хамгаалсан орон сууц барих болно гэдгийг “BK Холдингс”-ийн захирал Пак Пёон Чэ нээлтийн үеэр хэллээ. 
        Шавь тавих ёслолын арга хэмжээнд аймгийн ИТХ-ын дарга Д.Мөнхбат, Аймгийн Засаг даргын орлогч М.Түмэнжаргал, аймгийн ИТХ-ын төлөөлөгч А.Түвшинжаргал, Таван хан энержи ХХК-ийн захирал Г.Ганзориг, BK Холдингсийн захирал Пак Пёон чэ, BK Монголиа ХХК-ийн захирал П.Ганзориг болон албаны хүмүүс оролцлоо.

Мэдээллийн төв 

 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  64246

Facebook

Цаг агаар

Вебийн статистик

Таны IP хаяг: 44.197.231.211
  • 7 Онлайн
  • 151 Өнөөдөр
  • 519 Өчигдөр
  • 670 Долоо хоногт
  • 14331 Сүүлийн сард
  • 6929543 Нийт хандалт