29 багийн зохион байгуулагч, нийгмийн ажилтан сургалтад хамрагдаж байна
“Багийн хөгжлийг дэмжих хөтөлбөр”-ийн хүрээнд Жаргалант, Баян-Өндөр сумын 29 багийн нийгмийн ажилтан, зохион байгуулагч нарт зориулсан хоёр өдрийн сургалт өнөөдөр эхэллээ. Монгол Улсын хөгжлийн урт хугацааны бодлого “Алсын хараа 2050", төрийн албан хаагчийн ёсзүй зэрэг сэдвээр Удирдлагын академийн Хүний нөөцийн удирдлагын тэнхим багш доктор дэд профессор Б.Хэрлэн мэдээлэл өгч байна.
Тодруулбал, Төрийн албан хаагчийн ёс зүй сэдвийн хүрээнд...
- Ёс зүй ба ёс суртахууны үндсэн ойлголт /Ёс зүй ба ёс суртахууны ялгаа, ёс зүйн суурь гурван хандлагыг жишээн дээр тайлбарлана)
- Төрийн албан хаагчийн ёсзүйн хууль, дүрэм, тэдгээрийг дагаж мөрдөх тухай (Төрийн албаны ёс зүйн дүрэм, Төрийн албан хаагчийн ёс зүйн тухай хуулийн үзэл баримтлал, ТАХ-д тавигдаж байгаа ёс зүйн шаардлагуудыг тайлбарлах, ёс зүйн зөрчлийг бусад зөрчлөөс ялгах, ёс зүйн хариуцлага хүлээлгэх талаар тайлбарлана)
- Ёс зүйг эрхэмлэх соёлыг хэвшүүлэхэд төрийн албан хаагчийн үүрэг. (Хувийн үлгэр дууриал үзүүлэх, ёс зүйн хувьд зөрчилт байдалд орох үед шударга зарчимыг баримтлахыг хичээх замаар ёс зүйг дээдлэх соёлыг хэвшүүлэх)
Монгол Улсын хөгжлийн урт хугацааны бодлого “Алсын хараа 2050” сэдвийн хүрээнд...
- Үндэсний нэгдмэл үнэт зүйлс
- Хүний хөгжил
- Амьдралын чанар ба дундаж давхарга
- Засаглал
- Бүс, орон нутгийн хөгжил зэрэг мэдээллийг өгч байна.
Төрийн анхан шатны байгууллагын албан хаагчдын төрийн албаны ёс зүй болон Монгол Улсын хөгжлийн бодлогын талаарх ойлголт, мэдлэгийг дээшлүүлэх нь энэхүү сургалтын зорилго юм.
Мэдээллийн төв
