2024 оны 04-р сарын 16

Ачит Ихт, Зэс Эрдэнийн хувь ХХК-тай 2024 оны хамтын ажиллагааны гэрээнд гарын үсэг зурлаа

Аймгийн Засаг даргын орлогч М.Түмэнжаргал "Ачит Ихт", "Зэс Эрдэнийн хувь" ХХК-тай 2024 оны хамтын ажиллагааны гэрээнд гарын үсэг зурлаа.  Орхон аймаг уул уурхайн компаниудтай орон нутгийн тогтвортой хөгжлийг дэмжих, ажлын байр нэмэгдүүлэх, боловсрол эрүүл мэндийн салбарт бүтээн байгуулалт хийх, иргэдийн амьжиргааг дээшлүүлэх зорилгоор нийгмийн хариуцлагын хүрээнд хамтын ажиллагааны гэрээг жил бүр байгуулж ирсэн билээ. 

2024 онд "Зэс эрдэнийн хувь" ХХК шинээр аймаг орон нутагтай хамтран ажиллах гэрээ байгуулж буйгаа онцлог болж байна. 
  
    “Ачит-Ихт” ХХК нь  2017 оноос хойш орон нутгийн захиргааны байгууллагатай хамтын ажиллагааны гэрээ байгуулж,  эрүүл мэнд, боловсрол гээд нийгмийн бүхий л салбарт хувь нэмрээ оруулж ирсэн. Тухайлбал, тус компани ерөнхий боловсролын 5 сургуулийн химийн кабинетыг иж бүрэн засварлаж, шаардлагатай сургалтын хэрэглэгдэхүүнээр иж бүрэн тохижуулсан.Өнгөрсөн онд химийн хичээлээр анги нийтийг хамарсан масс олимпиадыг амжилттай зохион байгуулсан юм. 

Засаг даргын орлогч М.Түмэнжаргал “2024 оны уул уурхайн компаниудтай байгуулж буй хамтын ажиллагааны төлөвлөгөөг   аймгийнхаа хүүхэд багачуудын боловсрол, эрүүл мэнд, авьяас, урлаг спортыг дэмжихэд чиглүүлсэн. Бид Эрдэнэт үйлдвэр ТӨҮГ-тай хамтын ажиллагааны хүрээнд сурагчдын үдийн хоолны зардлыг нэмэгдүүлэх чиглэлээр ажиллаж байна.  Бидний ирээдүй болсон хүүхдүүдийнхээ боловсрол, эрүүл мэнд, хүүхдүүдээ хөгжүүлэхэд та бүхэнтэйгээ хамтран ажиллахад таатай байна.  Та бүхэндээ Орхон аймгийн ИТХ, Засаг даргын Тамгын газрын нэрийн өмнөөс болон хувиасаа аз жаргал, эрүүл энх, сайн сайхан бүхнийг хүсье” гэлээ. 

Энэ онд "Ачит Ихт" ХХК    10 арга хэмжээг 160 сая төгрөгөөр, "Зэс Эрдэнийн хувь" ХХК 9 арга хэмжээг 100 сая төгрөгөөр хэрэгжүүлэх юм.  

Мэдээллийн төв

 
 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  64246

Facebook

Цаг агаар

Вебийн статистик

Таны IP хаяг: 44.197.231.211
  • 2 Онлайн
  • 140 Өнөөдөр
  • 519 Өчигдөр
  • 659 Долоо хоногт
  • 14320 Сүүлийн сард
  • 6929532 Нийт хандалт