Орхон аймгийн Автотээврийн төвийн даргаар С.Гарьдпүрэв томилогдов

Аймгийн Засаг даргын орлогч М.Түмэнжаргал өнөөдөр Автотээврийн үндэсний төвийн Тамгын газрын дарга Б.Баатарцол, Аймгийн Автотээврийн төвийн даргаар томилогдсон С.Гарьдпүрэв нарыг хүлээн авч уулзлаа.

Уулзалтын эхэнд Автотээврийн үндэсний төвийн Тамгын газрын дарга Б.Баатарцол "Орхон аймгийн Автотээврийн төвийн даргын томилгоо хийгдсэн. Аймаг орон нутгийнхаа онцлог, салбараа мэдэх хүнийг томилсон. Ажлын амжилт хүсье" гэлээ.

Үүний дараа Засаг даргын орлогч М.Түмэнжаргал Автотээврийн төвийн даргаар томилогдсон С.Гарьдпүрэвд ажлын амжилт хүсч, ажлаа шуурхайлж сайн ажиллахыг хүслээ.

Түүнчлэн уулзалтаар улсын төсвийн 4,9 тэрбум төгрөгийн хөрөнгө оруулалтаар барьж буй Авто вакзалын барилгын ажлын явц, аймаг доторх нийтийн тээврийн үйлчилгээний өнөөгийн нөхцөл байдал, такси үйлчилгээний үнэ зэрэг асуудлаар санал солилцлоо.

Засаг даргын орлогч М.Түмэнжаргал "Гадна талбайдаа 10 автобус, 120 авто машин, такси зогсоолын хүчин чадалтай, зорчигчдын болон тээш хадгалах өрөө бүхий уг бүтээн байгуулалтыг энэ оны нэгдүгээр улиралд ашиглалтад оруулахаар зорьж байна. Түүнчлэн энэ онд орон нутгийн төсвийн 400 сая төгрөгийн хөрөнгө оруулалтаар Автотээврийн төвийн авто оношилгоог өргөтгөж, ашиглалтад оруулна. Ингэснээр тээврийн хэрэгслийн үзлэг оношилгооны чанар, хүртээмж сайжирна” гэлээ.

Мэдээллийн төв