“Миний гэр бидний гудамж төсөл”-ийн  хүрээнд 7 багт  инженерийн шугам сүлжээний ажил хийгдсэн.  Долоон багийн 8548 айл өрхөөс 1245  нь инженерийн шугам сүлжээнд холбогдох боломжтой бүрдээд байгаа юм.  Өмнөх жилүүдэд 113 өрх инженерийн шугам сүлжээнд холбогдсон бол энэ онд 253 өрх шугам сүлжээнд холбогдож,  266 өрх техникийн нөхцөлөө авсан байна.Шугамын ашиглалтыг нэмэгдүүлэхэд мэргэжлийн байгууллагаас анхаарч байна. 

Техникийн нөхцөл авахад дараах материалыг бүрдүүлэх шаардлагатай. 
•    Иргэний өргөдөл, иргэний үнэмлэхний хуулбар, 
•    Газрын гэрчилгээ, кадастрын зураг, байршлын схем, 
•    Газар эзэмших гэрчилгээ, гэрээний хамт, 
•    Шинээр барих гэж буй барилгад барилгын эскиз зураг эхний 4 нүүр, 
•    Үл хөдлөх хөрөнгийн гэрчилгээний хуулбар, 
•    Өмнө нь авсан бусад техникийн нөхцөл, 
•    Эрчим хүчний хүчин чадал тооцсон тодруулах хуудас бөглөх зэрэг болон бусад материалыг бүрдүүлнэ. 

 БАГААР НЬ АВЧ ҮЗВЭЛ.... 

• Булаг багт 1708м урттай дулаан, хэрэгцээний халуу ус, цэвэр усны 5 төрлийн салбар шугам нь бетон сувагт хийгдсэн Мөн бохирын шугам 1489м, бохирын худаг 43 ш хийгджээ. Тус багт инженерийн шугам сүлжээнд холбогдох боломжтой 255 айл өрхийн 58 нь холбогдоод байна. 
• Рашаант  багт хийгдэж байгаа шугам сүлжээний ажил 80 хувийн гүйцэтгэлтэй үргэлжилж байна. 1005м урттай дулаан, 1876м хэрэгцээний халуун ус, цэвэр усны 5 төрлийн салбар шугам бетон сувагт хийгдсэн. Мөн бохирын шугам 720м, бохирын 22ш худаг хийгдсэн байна. Инженерийн шугам сүлжээнд холбогдох боломжтой 128 айл өрх холбогдохоос 7 нь холбогджээ. 
• Наран багт 1143м урттай дулаан, хэрэгцээний халуу ус, цэвэр усны 5 төрлийн салбар шугам бетон сувагт хийгдсэн. Мөн бохирын шугам 527м, бохирын худаг 9ш ажил хийгдсэн. Инженерийн шугам сүлжээнд холбогдох боломжтой 155 айл өрхийн  141 нь холбогджээ. 
• Говил багт 540м урттай дулаан, хэрэгцээний халуус, цэвэр усны 5 төрлийн салбар шугам бетон сувагт хийгдсэн.  Хэрэгцээний халуун усаар хангахын тулд УДДТ-д ялтас бойлер суурилуулах шаардлагатай. 9 бранк байшин руу 5 хос шугамын үзүүр оруулсан. 60 гаруй айл өрх холбогдох боломжтойгоос 15 нь холбогдожээ. 
• Цагаанчулуут багт 1091м урттай дулаан, хэрэглээний халуус ус, цэвэр усны 5 төрлийн салбар шугам бетон сувагд хийгдсэн. Төлөвлөж буй 800м 5 төрлийн шугамын ажил  байна. Инженерийн шугам сүлжээнд холбогдох боломжтой 300 айл өрхийн 320 гаруй үл хөдлөх обьект  байна. Өнөөдрийн байдлаар 41 айл өрх холбогджээ. 
• Баянцагаан багт  984м урттай дулаан, хэрэглээний халуус, цэвэр усны 5 төрлийн салбар шугам бетон сувагт хийгдсэн. Мөн бохирын шугам 1180м, бохирын худаг 25ш хийгдсэн. Шугам сүлжээнд холбогдох боломжтой 270 айл өрхөөс 76 нь холбогдсон байна. 
• Дэнж багт  500м урттай дулаан, хэрэгцээний халуу ус, цэвэр усны 5 төрлийн салбар шугам бетон сувагт хийгдсэн. Төлөвлөж буй 800м 5 төрлийн шугамын ажил байна. Инженерийн шугам сүлжээнд холбогдох боломжтой 107 айл өрх  холбогдохоос 16 нь холбогджээ. 

Мэдээллийн төв