Авто замын засварын ажлын явцад хөндлөнгийн шинжилгээ хийж байна
Авто зам засварын 29 ажил хийгдэхээс 17 ажил 95-100 хувийн гүйцэтгэлтэй хийгдэж дуусчээ. 12 ажлыг төлөвлөгөөний дагуу хийж байгаа аж. Энэ онд хотын дотор хатуу хучилттай авто замд 16448 метр квадрат талбайд засвар нөхөлт, хучилт хийхээс 12211 метр квадрат талбайн ажлыг гүйцэтгэсэн байна. Долоодугаар болон есдүгээр сард нийт 47 өдөр бороотой байсан нь зам нөхөлтийн ажилд нөлөөлсөн. Мөн бороо хур элбэгтэйгээс авто замын эвдрэл 4 дахин өсчээ. Тухайлбал, Дэнж багийн авто замд өнгөрсөн долоодугаар сарын эхээр 1026 метр квадрат талбайд нөхөөс хийсэн ч нэмж 420 метр квадрат талбайд нүхэн эвдрэл шинээр гарсан байна.
Асфальтан замын засварын ажилд аваарын зардлаас 1.133.4 сая төгрөг, Замын сангаас 146 сая төгрөг, гэр хорооллын шавар ихтэй 2350 метр шороон замыг шинээр хийхээд аваарын зардлаас 129.3 сая төгрөг буюу нийт 1 тэрбум 408 сая төгрөгийг зарцуулжээ. Замын засварын ажлын явцаас дээж аван “Зам сервис” ХХК хөндлөнгийн шинжилгээ хийж байна.
Аймгийн ИТХ-ын ээлжит 16 дугаар хуралдаанаас...
Мэдээллийн төв
