787 өргөдөл, гомдлын 752-ыг нь хугацаанд нь шийдвэрлэжээ
Аймгийн Засаг даргын Тамгын газарт энэ оны 6-8 дугаар сард иргэдээс ирүүлсэн өргөдөл, гомдлын хэрэгжилтэд хийсэн хяналт, шинжилгээний дүнг танилцууллаа.
Нийт 787 өргөдөл, гомдол ирснээс Засгийн газрын 11-11 төвд 79, бичгээр 180, 70353511 дугаарын утсанд 503, irgen.erdenet.mn ээр 25 ирсэн байна. Өргөдөл гомдлыг агуулгаар нь авч үзвэл газрын эрх шилжүүлэх, хугацаа сунгах болон барилгын өргөтгөл, бусад асуудлаар 111, дулаан, цахилгаан эрчим хүч, цэвэр бохир устай холбоотой асуудлаар 219, эрүүл мэнд болон эмчилгээний зардал хүссэн асуудлаар 112, хог хаягдал, Баян-Өндөр суманд хамаарах асуудлаар 141 байна.
Нийт өргөдөл гомдлын 752-ыг хугацаанд нь шийдвэрлэж, үүний 5 хувьд нь хяналт шинжилгээ хийжээ. Засгийн газрын 11-11 төвд болон 70353511 дугаарт иргэдээс ирүүлж буй өргөдөл, гомдлын шийдвэрлэлтийн чанарт анхаарах, ирүүлсэн өргөдөл, гомдлын хэрхэн шийдвэрлэж байгааг заавал хариу мэдэгдэх, "хур" системд байгууллагууд өргөдөл гомдлоо илгээж, эрчимжүүлэх зэрэг зөвлөмжийг өгсөн байна.
Мэдээллийн төв
