2024 оны 03-р сарын 29

Татварын хэлтэс 2022 оны шилдэг байгууллагаар шалгарав

2022 оны ажил арга хэмжээгээрээ улс болон орон нутагтаа  тэргүүлж, шилдэг байгууллагаар шалгарсан төрийн байгууллагуудыг онцлон мэдээлж байгаа билээ. Энэ удаа  2022 оны ажлаараа Орхон аймгийн шилдэг байгууллагаар шалгарсан аймгийн Татварын хэлтсийг онцолж байна.  

Тус байгууллага нь жил бүр татварын орлогын төлөвлөгөөг давуулан биелүүлж амжилттай ажиллан орон нутгийнхаа хөгжилд хувь нэмрээ оруулж буй.  Тухайлбал, 2022 онд аймгийн төсөвт нийт  156 тэрбум төгрөг төвлөрүүлэх үүрэг хүлээж, 14.2 тэрбум төгрөгөөр давуулан биелүүлсэн. Түүнчлэн улсын төсөвт 14.1 тэрбум төгрөгийн орлого төвлөрүүлэх үүргээ мөн 100 хувь биелүүлж, татварын үйлчилгээг 100 хувь цахимд шилжүүлсэн гэхчлэн олон арга хэмжээг онцолж болно. 

Аймгийн Засаг даргын 2023 оны 3 дугаар сарын 14-ний өдрийн А/157 дугаар захирамжаар хяналт, шинжилгээ үнэлгээ хийх хэсгийг 16 хүний бүрэлдэхүүнтэйгээр байгуулсан. Тус ажлын хэсэг өнгөрсөн гуравдугаар сарын 20-ноос эхлэн Жаргалант, Баян-Өндөр сумын ЗДТГ, 25 агентлагт хуваарийн дагуу хяналт шинжилгээ үнэлгээг хийж гүйцэтгэсэн билээ. 
 Хяналт, шинжилгээ, үнэлгээг гурван чиглэл, 18 үзүүлэлтээр дүгнэсэн.  

Захиргааны байгууллагуудын 2022 оны үйл ажиллагааны үр дүнгээр аймгийн хэмжээнд  тэргүүлсэн байгууллагуудыг Засаг даргын А/413 дугаар захирамжаар тус бүр өргөмжлөл, гурван  сая төгрөгөөр шагнаж урамшуулна. 

Хяналт, шинжилгээ, үнэлгээний  зорилго нь...
Бодлогын баримт бичиг, хууль тогтоомж, тогтоол шийдвэрээр өгөгдсөн үүрэг, даалгаврын биелэлт,  байгууллагын чиг үүргийн болон ил тод байдал, хүний нөөц, төсөв санхүү, өргөдөл гомдол, архив албан хэрэг хөтлөлт, төрийн байгууллагуудад хэрэгжүүлж буй И-Оффис систем ашиглан, аймгийн Засаг даргын шуурхай зөвлөгөөнөөс өгөгдсөн үүрэг даалгаврын хэрэгжилт, тусгай үзүүлэлтүүдэд хяналт шинжилгээ хийж, гүйцэтгэлийн үр дүнг үнэлэх, гарсан дүгнэлт зөвлөмжийг дараагийн шийдвэр, бодлого төлөвлөлтөд тусгах, үр нөлөөг нэмэгдүүлэх, хэрэгжилт, зохион байгуулалт, хариуцлагыг сайжруулах юм. 

Мэдээллийн төв 
 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  57601

Facebook

Цаг агаар

Вебийн статистик

Таны IP хаяг: 3.238.162.113
  • 3 Онлайн
  • 278 Өнөөдөр
  • 357 Өчигдөр
  • 2554 Долоо хоногт
  • 19845 Сүүлийн сард
  • 6914613 Нийт хандалт