2022 оны 09-р сарын 28

Хаврын мод тарилтаар тарьсан нийт модны ургалт 85,1 хувьтай байна 

Аймгийн Засаг даргын Тамгын газраас хаврын мод тарилтаар  мод тарьсан иргэн, айл өрх, аж ахуйн нэгж байгууллагуудын  дунд “Тарьсан модоо эргэе” аяныг эхлүүлсэн.  Өнгөрсөн долоо хоногийн Засаг даргын шуурхай зөвлөгөөнөөр Засаг дарга С.Батжаргал намрын мод тарилт, цэнэг усалгаа хийх чиглэлээр иргэд  болон аж ахуй нэгж, байгууллагуудад заавар зөвлөмж хүргүүлж “Тарьсан модоо эргэе” аяныг зохион байгуулах үүрэг даалгаврыг аймгийн Байгаль орчин аялал жуучлалын газарт үүрэг болгосон. 

   Орхон аймаг “Тэрбум мод” үндэсний хөдөлгөөн, “Ногоон Эрдэнэт” хөтөлбөрийн хүрээнд өнгөрсөн хаврын мод тарилтаар 15 байршилд 220 мянга гаруй мод  тарьсан.  Тодруулбал, 6082 иргэд, 229 аж ахуйн нэгжийн оролцоотойгоор  мод тарьж,  тарьмал ойн талбайг нэмэгдүүлэх зорилгоор Чимээгүй хотын хамгаалалтын ойн зурвас, Цагаан чулуутын ам, А1001 авто зам дагуух ойн зурвас, Эрдэнэт хаалга  зэрэг газруудад 11500 ширхэг навчит болон шилмүүст модыг тарьснаар   ойн талбайг 6 га талбайгаар нэмэгдүүлж 12.5 га талбайд хүргээд байна.  

   Хаврын тарилтаар тарьсан модыг тоолоход ургалт  нь 85, 1 хувьтай байгааг тогтоож, намрын бүх нийтийн мод тарилтаар 3500 ширхэг мод нөхөн тарих шаардлагатай байгаа талаар мэдээллээ. 
 Иймд гэр бүл, найз нөхөд, байгууллага хамт олноороо өнгөрсөн хавар тарьсан модныхоо ургалтыг харахын зэрэгцээ  арчилж, усалхыг уриалж байна.  Намрын мод тарилт ирэх аравдугаар сарын 15-нд болно. Тэр болтол  гэр бүл, найз нөхдөөрөө мод тарьсан иргэд өөрийн завтай өдрөө цаг гарган тарьсан модоо эргэх, байгууллага хамт олон дотоод зохион байгуулалтаар тарьсан модоо эргэхийг уриалж байна. 

Мэдээллийн төв 
 

Санал асуулга

Манай вэб сайт таны санаанд хэр нийцэж байна?

Facebook

Цаг агаар

Вебийн статистик

Таны IP хаяг: 3.235.65.220
  • 2 Онлайн
  • 174 Өнөөдөр
  • 259 Өчигдөр
  • 433 Долоо хоногт
  • 8933 Сүүлийн сард
  • 6664999 Нийт хандалт