2022 оны 09-р сарын 28

Хот доторх авто замын хөдөлгөөний хэвийн үйл ажиллагааг хангах санал боловсруулав

Энэ долоо хоногийн Засаг даргын шуурхай зөвлөгөөнийг Төрийн захиргаа удирдлагын хэлтсийн дарга  бөгөөд ЗДТГ-ын даргын үүргийг түр орлон гүйцэтгэгч Ш.Ганболд удирдан явууллаа. Шуурхай зөвлөгөөний эхэнд ЗДТГ-ын Хяналт шинжилгээ, үнэлгээний хэлтсийн дарга М.Жанболат өнгөрсөн долоо хоногийн шуурхай зөвлөгөөний үүрэг даалгаврын биелэлтийг танилцууллаа.

     Хотын доторх авто замын хөдөлгөөний хэвийн үйл ажиллагааг хангах чиглэлээр цаашид авч хэрэгжүүлэх арга хэмжээ танилцуулахыг өнгөрсөн даваа гаригийн Засаг даргын шуурхай зөвлөгөөнөөр үүрэг өгсөн. 
Үүний хүрээнд аймгийн Цагдаагийн газраас дараах саналуудыг боловсруулснаа өнөөдөр Засаг даргын шуурай зөвөлгөөнөөр танилцууллаа. 

  • Үүнд, Аймгийн хэмжээнд зорчих хэсгийн хажууд байрлалтай сургууль, цэцэрлэгүүдийг MNS:6444-2014 стандартаар тохижуулах.
  • Зорчих хэсэгт байрлалтай явганы хүний гарцын тэмдэглэлийг цөөлж гүүрэн болон нүхэн гарцтай болох.
  • Аймгийн хэмжээнд зорчих хэсэг дээр хөдөлгөөн зохицуулалтад ашиглагддаг тэмдгүүдийг MNS:4597-2014 стандартад нийцсэн тэмдгүүдийг байрлуулах шаардлагатай.
  • Аймгийн хэмжээнд 3 байршилд хөдөлгөөн зохицуулалт дээр ашиглагдаж байгаа гэрлэн дохионы асалтад тохиргоо хийлгэх. (мэргэжлийн байгууллагаар)
  • Аймгийн хэмжээнд хорооллын дундах (орон сууц) авто зогсоолуудыг камержуулах. (одоо байгаа теле камеруудыг чанаржуулах
  • Замын хөдөлгөөний дүрэм зөрчиж бусдын хөдөлгөөнд саад учруулж байгаа хэсгүүд дээр цахим зөрчлийг хүлээж авч гэрийн хаягаар торгуулийг хүргүүлдэг болох. Аймгийн иргэдийн Төлөөлөгчдийн Хурлаар шийдвэр гаргуулах.
  • Дугаар танигчтай камерын тоог нэмэгдүүлэх, дундаж хурдны камерын тулгуур хөлний хөрөнгийг шийдвэрлүүлэн дундаж хурдны камерыг ашиглалтад оруулах.
  • Эрх чөлөөний гудамж, Барилгачдын тайлбайн уулзвараас баруун тийш Сүмийн уулзварын хооронд зүүн эргэх хөдөлгөөний хориглох. /Уулзвар дээр буцаж эргэж болно/ гэх мэт санал дүгнэлт боловсруулжээ. 

Дээрх  санал дүгнэлтийн талаар эргэн мэдээлэх болно. 

Мэдээллийн төв 
 

Санал асуулга

Манай вэб сайт таны санаанд хэр нийцэж байна?

Facebook

Цаг агаар

Вебийн статистик

Таны IP хаяг: 3.235.65.220
  • 1 Онлайн
  • 173 Өнөөдөр
  • 259 Өчигдөр
  • 432 Долоо хоногт
  • 8932 Сүүлийн сард
  • 6664998 Нийт хандалт