Эхний III улирлын байдлаар нийт 12 барилга байгууламж шинээр ашиглалтад оржээ

Монгол Улсад орчин цагийн барилгын салбар үүсэж хөгжсөний 96 жилийн ой, Барилгачдын өдөр өнөөдөр тохиож байна.
Орхон аймагт 2022 оны эхний хагас жилийн байдлаар их барилгын салбарт 41 ААН, 35,4 тэрбум төгрөгийн барилга угсралт, их засварын ажлыг 61 обьектэд хийж гүйцэтгэсний 25,3 хувь нь их засварын ажил байна. Гүйцэтгэсэн ажлын дүн өмнөх оны мөн үеэс 33,0 хувиар нэмэгдсэн үзүүлэлт гарчээ.
2021 онд нийт 30 барилга байгууламж шинээр ашиглалтад орсон бөгөөд Нийтийн орон сууцны 11 барилга, хувийн хэвшлийн худалдаа үйлчилгээний зориулалттай 11 барилга, улсын болон орон нутгийн төсвийн хөрөнгө оруулалтаар баригдсан 8 барилга ашиглалтад орсон байна.

Харин 2022 оны эхний III улирлын байдлаар нийт 12 барилга байгууламж шинээр ашиглалтад орсон бөгөөд үүнээс: Нийтийн орон сууцны 5 барилга, хувийн хэвшлийн худалдаа үйлчилгээ, үйлдвэрийн зориулалттай 4 барилга, улсын болон орон нутгийн төсвийн хөрөнгө оруулалтаар баригдсан 3 барилга ашиглалтад оржээ.