Цахилгааны гэмтлийг засварлаж хэвийн болгохоор 20 хүний бүрэлдэхүүнтэй 3 баг ажиллаж байна
Өчигдөр буюу 6-р сарын 21-ний орой хүчтэй салхи, ширүүн борооны улмаас аймгийн хэмжээнд 10 байршилд 0,4-өөс 6 кВ-ын цахилгаан дамжуулах агаарын шугамд гэмтэл гарсныг засварлах ажил үргэлжилж байна.
Яг одоо “ЭБЦТС” ТӨХК- 20 хүний бүрэлдэхүүнтэй 3 баг Баян-Өндөр сумын Яргуйт, Говил, Их залуу баг болон, Ар мэргэний хэсэгт ажиллаж гэмтлийг илрүүлэн, засварлахаар ажиллаж байгаа талаар мэдээллээ.
Цахилгаан дамжуулах агаарын шугамын 6кВ шугамд 20-40 дэд станц байдаг. Энэ нь аймгийн хэмжээнд нийт 400 гаруй дэд станц байдаг гэсэн үг. Эдгээрт нэг бүрчлэн үзлэг шалгалт хийж цахилгааны гэмтлийг илрүүлдэг тул цаг хугацаа зарцуулдаг талаар албаны хүн тайлбар өглөө. Гэмтлийг өнөөдөр буюу 6-р сарын 22-ны өдөр бүрэн засварлаж дуусгах ажээ.
Мэдээллийн төв
