Болзошгүй аваарын зардлаар хийгдэж буй сургууль, цэцэрлэгийн засварын ажил 98,7 хувьтай байна
Болзошгүй аваарын зардлаар 19 сургууль, 12 цэцэрлэгийн дотор шугам засварын 20 ажил, цонх хаяавч засварын 13 ажил, дээврийн засварын 20 ажил нийт 53 ажил хийгдэж байна. 100 хувийн гүйцэтгэлтэй 43 ажлыг хүлээн авсан бол 70-95 хувийн гүйцэтгэлтэй 9 ажил үргэлжилж байна. Болзошгүй аваарын зардлаар хийгдэж буй ажлын нийт гүйцэтгэл 98,7 хувьтай байна.
1976-2008 онд ашиглалтад орсон олон жилийн насжилттай сургууль, цэцэрлэгт тулгамдсан асуудлыг шийдвэрлэснээр дулаан алдагдал, сантехникийн шугамын элэгдэл, дээврийн дусаал зэрэг асуудал шийдэгдэж, багш сурагчид ая тухтай орчинд ажиллаж, сурах орчин бүрдлээ.
Өнгөрсөн 7-р сард хуралдсан аймгийн ИТХ-ын хуралдаанаар аймгийн Засаг даргын Болзошгүй аваарын зардалыг нэмэгдүүлснээр олон жил аваарын нөхцөл байдалтай байсан сургууль, цэцэрлэгийн засвар, шинэчлэлийг нэг мөр шийдвэрлэх боломж бүрдсэн юм.
Мэдээллийн төв
