Засгийн газрын 2024 оны 86 дугаар тогтоолыг хэрэгжүүлэх ажлын хүрээнд  Мэдээлэл шуурхай удирдлагын төв УТҮГ-ын нэр, харьяаллыг өөрчлөх тухай асуудлыг хэлэлцлээ.  Тодруулбал, аймгийн ИТХ-ын ээлжит бус 5-р  хуралдаанаар  Мэдээлэл шуурхай удирдлагын төв” УТҮГ-ыг татан буулгаж, аймгийн ЗДТГ-ын дэргэд “Теле камерын хяналтын дэд” төв болгон нэр, харьяаллыг өөрчиллөө.

Ингэснээр  тус газрын үйл ажиллагааг илүү боловсронгуй болгож, хяналтын болон дуудлага мэдээллийн нэгдсэн системүүдийг цогцоор нь төвлөрүүлэх боломжтой болох юм.  Өөрөөр хэлбэл, цагдаа, онцгой, 103-ын дуудлага мэдээллийг камерын хяналтын системтэйгээ  төвлөрүүлнэ.

Мөн хуулиараа хувийн хэвшлийн аж ахуйн нэгж байгууллагын гадна талын хяналтын  камерийг  Теле камерын хяналтын дэд төвийн  системд холбох боломжтой.  Ингэснээр  цагдаагийн албан хаагчийн хяналтад 24 цагаар төр, хувийн хэвшлийн камерийг шүүж, гэмт хэрэг зөрчлийг ирүүлэх боломж бүрдэнэ.  Орхон аймаг 21 аймгаас анхлан  2019 онд камерын хяналтын системийг нэвтрүүлж Мэдээлэл шуурай удирдлагын төвийг байгуулсан нь улсын хэмжээнд жишиг болсон ажил юм.

Тус газарт камерийн системд холбогдсон 1293 камер бий.  Тэдгээрээс 25 нь дугаар таних,  15  нь царай таних,  2 нь байгаль орчны хяналтын камер, 179 нь 360 градус эргэдэг, 1072  нь нэг чиглэлийнх байна.  Өнгөрсөн 2024 онд ЕБС-ийн 100 ширхэг, СӨБ-ийн 124 ширхэг чиглэлийн камеруудыг суурилуулан бүртгэн хүлээн авсан ба сургууль, цэцэрлэгийн орчмын хяналт хийх нийт 224 камер ажиллаж байна. 
 2025 онд аймаг, сумын хөрөнгө оруулалтаар нийт 171 камер суурилуулахаар бэлтгэл ажлууд хангагдан, зохих тендер шалгаруулалт болон гэрээ байгуулах шатандаа явж байна. Мөн  Дахуа системийн AI-д суурилсан Smart City системийг хэрэглээнд нэвтрүүлжээ.  ажиллаж байна. Энэхүү систем нэвтэрснээр хүний гадна төрх болон царайгаар, автомашиныг зөвхөн дугаараар бус өнгө хэлбэр хэмжээгээр хайх, явсан замын маршрут гаргах гэх мэт давуу талтай. 

2025 онд аймаг, сумын хөрөнгө оруулалтаар 171  камер суурилуулна.

Өнгөрсөн хугацаанд хүний эрүүл мэндийн халдашгүй байдлын эсрэг гэмт хэрэг 125, хулгай 29,  хаягдсан эд зүйлс олсон 78, авто замтай холбоотой зөрчил 645, олон нийтийн аюулгүй байдлыг хангах 35, эд зүйл гээгдүүлсэн 187, хүн, хүүхэд алга болсон 8 хэрэг, зөрчлийг камерийн хяналтын тусламжтайгаар илрүүлсэн байна. 

Аймгийн ИТХ-ын Төлөөлөгчдөөс Кибер аюулгүй байдлыг хангах тухай хуулийн хэрэгжилтийг хангаж, мэргэжлийн инженерүүдийг ажиллуулах, хүний нөөц боловсон хүчний тогтвортой байдлыг хангах, Хувь хүний мэдээлэл хамгаалах тухай хуулийн хэрэгжилт, хүний эрхийн зөрчил гаргахгүй байх, мэдээллийн аюулгүй байдлыг өндөр түвшинд анхаарч ажиллах, урсгал засварын төсөв мөнгийг нэмэгдүүлэх гэхчлэн асуудлаар төлөөлөгчид байр сууриа илэрхийллээ. 

                                                                                                                                                                       Мэдээллийн төв