Энэ долоо хоногийн шуурхай зөвлөгөөнийг аймгийн Засаг дарга Б.Зоригтбаяр удирдан явууллаа. Шуурхай зөвлөгөөнөөр ажлын хэсгүүд тухайн ажлын явц, нөхцөл байдлаа танилцуулж буй. 

Тухайлбал, Европын сэргээн босголт хөгжлийн банкны 14 сая ам.долларын санхүүжилтээр хэрэгжиж буй “Эрдэнэт хотын гамшигт тэсвэртэй байдал” төсэл хэрэгжиж эхэлсэн. Төслийн хүрээнд хийгдэх нэг багц ажил нь Үерийн эрсдэлийн менежментийг сайжруулах төслийн хүрээнд 12,8 км үерийн далан барих юм.  Уг даланг барих ажлын зураг төсөл боловсруулахад дэмжлэг үзүүлэх ажлын хэсгийг энэ оны 2 сарын 28-ны өдрийн А/180 дугаар захирамжаар байгуулсан.

Ажлын хэсгийн ахлагчаар ЗДТГ-ын ХБТХОХ-ийн ахлах мэргэжилтэн Р.Галбаатар, нарийн бичгээр Хотын захирагчийн албаны ахлах мэргэжилтэн Г. Тулгабаатар, гишүүдээр Онцгой байдал, Газрын харилцаа, барилга  хот, байгуулалт газар  болон бусад  холбогдох байгууллагын мэргэжилтнүүд ажиллаж байна. Тус ажлын хэсэг өнгөрсөн хугацаанд гурван удаа танхимаар, цахимаар хоёр  удаа хуралдаж инженерийн шугам сүлжээний трассыг зөвшилцөх ажлыг зохион байгуулжээ. Мөн холбогдох байгууллагуудын хамтаар төлөвлөлтийн трассын дагуу газар дээр нь үзлэг хийсэн  байна. 

Төлөвлөлтөд тусгадсан асуудлыг шийдвэрлэх хүрээнд трассын дагуу дайрсан инженерийн шугам сүлжээг уялдуулах, нийцүүлэх ажлыг зохион байгуулж, трассын байршлыг нарийвчлан тодорхойлж, далангийн улсын түвшинг тогтоох зэрэг техникийн ажлыг  гүйцэтгэжээ.  Нарийвчлан тодорхойлсон 5 трассыг аймгийн Засаг даргын захирамжаар баталгаажуулсан бол 3-ыг нь баталгаажуулах ажил үргэлжилж байгаа аж. Уг ажлыг дуусгаж, захирамж гарснаар тухайн ажлын хэсгийн үйл ажиллагаа дуусна. 
Уг төслийн хүрээнд хийгдэх үерийн далангийн ажлын зураг төслийн гүйцэтгэгчээр “Гидро сооружение” ХХК ажиллаж байна. 

11-р хорооллын иргэдийн санал, хүсэлтээр байгуулагдсан ажлын хэсгийн тухай...

Орон сууцны  11-р хорооллын оршин суугчдаас цахилгаан, халаалт, цэвэр, бохир ус, холбооны   шугамууд шаардлага хангахгүй байгаа тухай санал, гомдлыг гаргасан. Иргэдийн асуудлыг шийдвэрлэх зорилгоор аймгийн Засаг даргын 2025 оны 05-р сарын 13-ны өдрийн  А/403 тоот захирамжаар  газар дээр нь нарийвчилсан  үзлэг хийж,  санал танилцуулах 14 хүний бүрэлдэхүүнтэй   ажлын хэсгийг байгуулсан.  Тус ажлын хэсэг энэ хугацаанд танхимд 3 удаа  хуралдаж, газар дээр нь 1 удаа ажиллажээ. 
Ажлын хэсгийн хурлаас “Эрдэнэт ус” ДТС-аас Хүрэн булаг баг 11-р хорооллын цахилгаан шугам сүлжээ, инженерийн шугам сүлжээний өнөөгийн нөхцөл байдлын талаарх судалгааг боловсруулах, 
 Хүрэн булаг баг 11-р хорооллын мэдээлэл холбоо сүлжээний эмх цэгцгүй, ашиглалтгүй кабелуудыг буулгах цэглэх ажлыг зохион байгуулах үүрэг даалгаврыг өгсөн байна. 
Үүний хүрээнд ”Мэдээлэл холбоо сүлжээ” ТӨХК-ийн засварын  бригад   Хүрэнбулаг баг Сөүл кастле хотхоноос Мажаа эмнэлэгийн авто зам дагуух хэрэглэгчгүй  сүлжээний 1579м кабелийг буулгаж цэгцлэн, унжилттай 7 багана 450м кабелийг чангалж багцлах ажлыг хийжээ. 

11-р хорооллын  А хэсэг нь УДХТ-4-15, УДХТ-4-14 гэсэн 2 УДХТ-өөс хангагддаг.  УДХТ-4-15-аас нийтийн орон сууц-4, хувийн орон сууц-35,  ААН-10 тэжээгддэг.   Цаашид холболт хийх 25 хэрэглэгчийн газар олголт байна. Харин УДХТ-4-14-өөс   нийтийн орон сууц-6, хувийн орон сууц-60, ААН-18 тэжээгддэг. 
Цаашид холболт хийх 61-н хэрэглэгчийн газар олголт байна. 2021 оны төлөвлөлтийн зургын дагуу 11-А хэсгийг УДХТ-4-15-аас хангахаар зураг гарсан. Ариутгах татуургын шугам байхгүй, шугамын төлөвлөлт байхгүй.

11б хэсэг  нь  УДХТ-4-16-аас холболт хийсэн нийтийн орон сууц-2, хувийн орон сууц-93, ААН-1 байна. Цаашид холболт хийх 59-н газар олголт байна.
Тус хэсэгт шинээр холболт хийх айл өрхүүдэд дулаан, хэрэглээний халуун хүйтэн ус, ариутгах татааргын нэгдсэн төлөвлөлтийн зураг гаргаж зургийн дагуу шугам сүлжээг татах.Ариутгах татуургын шугам байхгүй, шугамын төлөвлөлт байхгүй. 

11в хэсгийн   одоо байгаа нь нийтийн орон сууц-9, хувийн орон сууц-31, ААН-6 байна. Цаашид холболт хийх 28 газар олголт байна. Ариутгах татуургын шугам байхгүй, шугамын төлөвлөлт байхгүй. Цаашид холболт хийх 28 газар олголт байна Ариутгах татуургын шугам байхгүй, шугамын төлөвлөлт байхгүй

11-р хороолол Г хэсэг нь УДХТ-4-11, УДХТ-меттле таун гэсэн 2 УДХТ-өөс тэжээгддэг. Хувийн орон сууц-40,  ААН-8 байна. Цаашид холболт хийх 30 орчим газар олголт байна.
УДХТ-меттле таун-аас холболт хийсэн Эийтийн орон сууц-1, хувийн орон сууц-4 байна.
Цаашид холболт хийх 42 газар олголт байна. Нэгдсэн төлөвлөлтийн зураггүй тул төлөвлөлтийн зураг хийлгэж зургын дагуу шугам сүлжээг орон нутгийн хөрөнгөөр татах шаардлагатай. 
Ажлын хэсгийн дөрөв дэх хурлаас газрын зөрчилтэй айл өрхүүдэд мэдэгдэл хүргүүлэх,  гадна инженерийн шугам сүлжээний зөрчилтэй айл өрхүүдэд хугацаатай мэдэгдэл хүргүүлэх үүрэг даалгаврыг өгсөн байна. 

Мэдээллийн төв