Хатуу хучилт авахад бэлэн болсон авто замын 13 ажил байна
Энэ онд Орон нутгийн хөгжлийн сангийн хөрөнгө оруулалтаар 57 гэрээний хүрээнд 43 байршилд авто замын засвар шинэчлэлийн ажил гүйцэтгэж байна. Үүний 34 нь он дамжсан, 23 нь шинээр хийгдэж буй авто замын ажил юм.
Эдгээрээс ашиглалтад оруулж, комисс ажиллуулахаар бэлтгэл хангаж байгаа 11 авто замын ажил, график төлөвлөгөөний дагуу ажил хэвийн үргэлжилж байгаа 25 авто замын ажил, асфальтбетон хучилт авахад бэлэн болсон 13 ажил, график төлөвлөгөөний хоцрогдолтой 6 ажил, ажил эхлээгүй 2 ажил байна.
Асфальтбетон хучилт авахад бэлэн болсон 13 ажлыг танилцуулбал,
- Цагаан чулуут багийн орон сууцны 7-р хорооллын авто замын сүлжээг А/1002 авто замтай холбох 516м авто замын асфальтбетон хучилтыг энэ ням гарагт авна. Уг ажлыг “Дагинас хайрхан” ХХК гүйцэтгэж байна.
- Оюут баг Отгонбилэгийн гудамжны төв замаас 28,34-р байрны авто зогсоол, авто замд их засварын ажил “Баянцогтын зам” ХХК,
- БОЭТ-ийн 1,1 км авто зам “Хүчит зам” ХХК,
- Согоот баг 6.25-р байрны авто зогсоол “Хүчит зам” ХХК,
- Баянцагаан баг ПДҮ 1,16км авто зам “Жавхлан харгуй” ХХК
- Дэнж багийн Пинк дэлгүүрийн уулзвараас Эрдэнэ багийн самбар хүртэлх 860м авто зам,
- Эрдэнэ ба 20-р сургуулийн гадна талд авто замын зогсоол “Эрхэм нөхөр” ХХК,
- Дэнж баг, Сэтгэц мэдрэлийн эмнэлэг хатуу хучилттай авто зогсоол “Эрхэм нөхөр” ХХК,
- Чингэл багийн авто замын төгсгөлөөс Ёс заншлын өргөө хүртэлх 860м авто зам “Жавхлан харгуй” ХХК
- Говил багийн төв замаас 48-р байр хүртэл 197м авто зам “Энх-Алтаргана” ХХК-ийн гүйцэтгэж буй авто замын ажил байна.
Мэдээллийн төв
