Аймгийн Засаг дарга Б.Зоригтбаяр өнөөдөр холбогдох албаныхны хамтаар гэр хорооллын авто зам ажлын явцтай танилцахын зэрэгцээ, ажил гүйцэтгэхэд гарч буй хүндрэл бэрхшээл нь юу байгаа талаар  санал солилцож, зөвлөлдлөө. 
2025 онд Орон нутгийн хөгжлийн сангийн хөрөнгө оруулалтаар 43 байршилд авто замын ажлыг 10 компани гүйцэтгэнэ. 
Засаг дарга Б.Зоригтбаяр  замын ажил гүйцэтгэж буй компаниудад ажлаа чанартай гүйцэтгэж  гэрээний хугацаанд   дуусгахыг сануулав. Мөн долоо хоног бүр ажлын явцын гүйцэтгэлтэй танилцахаа хэлсэн. 

Өнөөдөр Яргуйт, Их залуу баг, Рашаант, Баянбулаг, Даваат багт хийгдэж буй авто замын ажлын явцтай танилцлаа. 

•  Яргуйт багийн А цэгээс М цэг хүртэлх 1,5 км авто замын ажлыг “Баянцогтын зам” ХХК энэ сарын 30-нд ашиглалтад оруулна. Өнөөдрийн байдлаар ажлын явц 80 хувьтай үргэлжилж байна. Авто замын асфальт бетон хучилт авах суурийн ажил, үерийн усны хоолой болон явган замын ажил хийгдэж дуусчээ. Энэ сарын 10-нд хучилтын ажил эхэлнэ.
• Уртын гол багийн 260 айлын орон сууцны авто замын тохижилтын ажил 90 хувьтай байна. 2 метрийн өргөнтэй 280м явган хүний замын ажил, авто замын босоо, хэвтээ тэмдэглэгээ, ногоон байгууламжийн ажлыг "Жавхлан харгуй" ХХК гүйцэтгэж байна. Шороо тоос үүсэхээс сэргийлж усжуулалт хийх, иргэдийн тухыг алдуулахгүй байх, чанар гүйцэтгэлд анхаарах чиглэлийг өглөө.  Гэрээний хугацаагаар энэ сарын 14-нд ажил дуусна. 
•  17-р сургуулийн уулзвараас Наран багийн 74-р гудамжны уулзвар хүртэлх авто замын тохижилтын ажлыг "Хүчит зам" ХХК гүйцэтгэж байна. Гэрээний хугацаагаар 7-р сарын 29-нд дуусна. 1,5м ийн өргөнтэй явган зам, 75м ийн өргөнтэй ногоон байгууламж болон бусад тохижилтын ажлыг гүйцэтгэнэ. 2024 онд авто замын хучилтын ажил хийгдсэн.
•  Яргуйт баг. А1002 замын уулзвараам 15-р сургуулийн баруун талын уулзвар хүртэлх авто замын ажлыг “Энх-Алтаргана” ХХК гүйцэтгэнэ. Гэрээ хийгдсэн. Ажил эхлэх бэлтгэл ажлаа хангаж байна. Гэрээний хугацаагаар наймдугаар сарын 30-нд дуусгана. 866 м явган зам, 900м дугуйн зам зэргийг гүйцэтгэх юм. 
•  Хорооллын эцсээс 26 дугаар цэцэрлэгийн уулзвар хүртэлх  авто замын тохижилтын ажлыг “Хүчит зам” ХХК гүйцэтгэж  байна. 
•  Их залуу баг 15-р сургуулийн баруун уулзвараас халуун усны уулзвар хүртэлх авто замын тохижилтын ажлыг “Эрхэм нөхөр” ХХК гүйцэтгэж байна. Гэрээний хугацаа есдүгээр сарын 11-нд дуусна. 191м-ийн урттай явган хүний зам, 664м дугуйн зам хийнэ. 
• Рашаант багийн 26 дугаар цэцэрлэгийн баруун талын уулзвараас Халуус усны уулзвар хүртэл 750м явган зам, 715м дугуйн замын ажлыг “Хүчит зам” ХХК гүйцэтгэж  байна.  Гэрээний хугацаа ирэх наймдугаар сарын 25-нд дуусна. 

Мөн Кувейтын уулзвараас Эрдэнэ багийн самбар хүртэлх нийт 2,5км авто замын ажлыг гүйцэтгэж байгаа "Жи Пи Экспресс Финанс" ХХК-ийн ажлын явцтай  долоо хоногийн дараа дахин танилцав.  Авто замын ухалтын ажил 7-р сургууль орчимд иржээ. Маргааш гэхэд нийт ухалтын ажлыг дуусган, дараагийн ажлыг эхлүүлэхээр төлөвлөсөн байна. Засаг дарга Б.Зоригтбаяр графикийн дагуу ажлаа гүйцэтгэж, гэрээний хугацаанд дуусгахыг сануулав.  Суурь шороо буюу карьер  асуудал болоод байсныг өнгөрсөн долоо хоногт шийдсэнээр ажил саадгүй үргэлжилж байгааг гүйцэтгэгч компанийн талбайн инженер хэлсэн.   Ойрын 10 хоногт бороогүй байх тул усалгаа хийж орчны шороо, тоосыг дарахад анхаархыг  чиглэл болголоо.

Дэнж багийн ББ хотхон орчимд авто замын ажлыг шинээр хийж буй. Нийт 3 хэсэг 1км хатуу хучилттай авто зам, 181 авто машины зогсоол, гэрэлтүүлэг, 39м-ийн урттай хоолой, 4604мКв авто замын боржин чулуун хашлага хийгдэнэ. Тус ажлын гүйцэтгэгчээр “Жи пи экспресс финанс” ХХК ажиллаж байна. Өнөөдрийн байдлаар ажлын гүйцэтгэл 50 хувьтай үргэлжилж байна.  Гэрээ

ний хугацаагаар ирэх есдүгээр сарын 15 гэхэд дуусгана. Тус компани ажлын талбай дээр 35 техник, 50 гаруй ажилтантайгаар ажиллаж байна. 

Мэдээллийн төв