Төрийн албаны зөвлөлийн Орхон аймаг дахь салбар зөвлөлийн даргын тамга тэмдгийг хүлээлцлээ
Монгол Улсын Төрийн албаны зөвлөлийн 2025 оны нэгдүгээр сарын 25-ны өдрийн тогтоолоор Төрийн албаны зөвлөлийн Орхон аймаг дахь салбар зөвлөлийн даргаар аймгийн ЗДТГ-ын дарга Б.Ганзоригийг томилсон. Уг томилгоотой холбоотойгоор өнөөдөр ИТХ-ын Нарийн бичгийн дарга Ш.Ганболд салбар зөвлөлийн даргын тамга тэмдгээ хүлээлгэн өглөө.
Тэрээр, 2024 оны арванхоёрдугаар сард аймгийн ИТХ-ын Нарийн бичгийн даргаар шилжин томилогдсон юм.
ИТХ-ын Нарийн бичгийн дарга Ш.Ганболд "Энэ сарын 29-нд хуралдсан Төрийн албаны зөвлөлийн хуралдаанд цахимаар оролцсон. Уг хуралдаанаар манай аймгийн салбар зөвлөлийн бүрэлдэхүүний асуудлыг хэлэлцэж, томилгоог танилцуулсан. Мөн холбогдох хууль тогтоомжийн хүрээнд аймгийн Засаг даргын захирамжаар аймгийн ИТХ-ын Нарийн бичгийн дарга, ЗДТГ-ын дарга нарыг шилжүүлсэн томилсон асуудлыг Монгол Улсын Төрийн албаны зөвлөл шалгаж үзээд ямар нэгэн хууль тогтоомж зөрчөөгүй, хуульд нийцсэн гэж үзсэн гэдгийг дуулгах нь зүйтэй хэмээн шинээр томилогдсон ЗДТГ-ын дарга Б.Ганзоригт ажлын амжилт хүслээ.
Мөн аймгийн ЗДТГ-ын дарга Б.Ганзориг “Монгол Улсын Төрийн албаны зөвлөлийн дарга болон гишүүд Ш.Ганболд даргыг Монгол Улсын хэмжээнд жишиг болохуйц салбар зөвлөлөө удирдсан гэдгийг онцлон хэлсэн. Салбар зөвлөлийн үйл ажиллагааг таны хүргэсэн жишигт хүргэхийн төлөө ажиллана. Таны цаашдын ажил үйлсэд өндөр амжилтыг хүсье" гэлээ.
Уг үйл ажиллагаанд Төрийн албаны зөвлөлийн Орхон аймаг дахь салбар зөвлөлийн гишүүд байлцлаа.
Мэдээллийн төв
